Vertíðina 1956 reru fjórir bátar af Bakkanum, Jóhann Þorkellsson ÁR 24, Helgi ÁR 10, Ægir ÁR 183, og einn bátur til. Þeir öfluðu samtals 934 lestir fisks (1.208 lestir) í 194 róðrum. Lifrarfengur var 78.235 litr., en 112 Þús. litr. árið áður. Mb. Jóhann Þorkelsson var aflahæstur með 253 lestir fisks í 49 sjóferðum. Skipstjóri á Jóhanni Þorkelssyni var Bjarni Jóhannsson. Vertíðin hófst ekki fyrr en í febrúar, en þá komust tveir bátar til sjós, einn róður hvor en í mars fóru Bakkabátar samtals 60 róðra og 55 í apríl.

Vertíðin 1957 hófst í byrjun febrúar og reru tveir bátar frá Eyrarbakka: Helgi og Jóhann Þorkellsson. Róið var með línu fram til 1. mars, en þá hófust netaveiðar. Gæftir voru oft stirðar á vertíðinni, en henni lauk eftir miðjan apríl. Heildaraflinn varð 704 lestir í 93 róðrum, sem skiptist þannig: Helgi með 353 lestir í 45 róðrum og Jóh. Þorkelsson með 351 lest í 48 róðrum.

Vetrarvertíðin 1958 hófst um miðjan janúar frá Eyrarbakka og reri einn bátur, Jóhann Þorkellsson á línu.  Hann aflað alls 21 lest í 11 róðrum, en í byrjun mars hófst netavertíðin og réru þá tveir bátar, mb. Jóhann Þorkellsson og mb. Helgi. Heildaraflinn á vertíðinni sem lauk 5. maí var 577 lestir hjá bátunum í 103 róðrum, þar af aflaði Jóhann Þorkelsson 312 lestir í 58 róðrum, en Helgi 265 lestir í 45 róðrum. Á humarvertíðinni  júní - ágúst réru fjórir bátar og var afli sæmilegur, eða um 20-30 smál. af humar og einnig nokkuð af ýmiskonar fiski.

Vetrarvertíðina 1959 stunduðu tveir bátar netaveiðar frá Eyrarbakka , Jóhann Þorkellsson ÁR 24 og  Helgi ÁR 10. Bátarnir komust þó ekki til sjós að ráði fyrr en í mars vegna stöðugra ógæfta. Heildaraflinn á vertíðinni varð 212 lestir í 64 róðrum. Fjórir bátar hófu humarvertíðina á Bakkanum, en lengst af vertíðinni reru einungis tveir bátar. Afli var allgóður þegar gaf á sjó. Frá september til ársloka var engin útgerð stunduð frá Eyrarbakka.

Heyskap á Bakkanum er almennt lokið í sumar og öll nýtanleg tún hafa verið hirt. Kalt vor og miklir þurkar í sumar háðu grassprettu og heyfengur því minni nú en oft áður.

Gríðarlegur fjöldi fólks tók þátt í skrúðgöngunni í morgun, en nú stendur sem hæst hin árlega Aldamótahátíð og mikið um að vera á Bakkanum, enda dagskráin full af fornlegum uppákomum.

Hreppstjórinn á Eyrarbakka Siggeir Ingólfsson og frú Anna Árnadóttir í Gónhól prúðbúinn á ferð.

Kaupmaðurinn búinn að opna Laugabúð, þar mun vera höndlað með ýmsan eftirsóttan varning alla helgina. 

Eyrbesk börn, sem og fullorðnir eru klædd samkvæmt nýjustu tísku hér á ströndinni.








Sr. Sveinn blessaði lýðinn á Kaupmannstúninu, en síðan var boðið upp á ljúfenga kjötsúpu.

Í gamladaga voru margar turndúfur á Bakkanum, en þessi stúlka mun sjá um að sleppa þessum turtildúfum frá gallery Gónhól síðdegis í dag, en þar mun einnig verða brúðkaup aldarinnar þegar gefin verða saman fegursta hænan og fegursti haninn. Í Gónhól stendur nú yfir fegurðarsamkeppni hænsnfugla og er fólk hvatt til að leggja til sitt fegurðarmat á þessari dýrasamkomu.

Á vetrarvertíðinni 1960 reri aðeins einn bátur frá Eyrarbakka, mb. Jóhann Þorkellsson, en skipstjóri á honum var Bjarni Jóhansson. Báturinn aflaði 233 lestir (óslægt) í 44 róðrum. Á humarvertíð reru tveir bátar Jóhann Þorkellsson og Helgi,  var afli þeirra sæmilegur. Ekkert var róið eftir humarvertíðina.

Nú er ljóst að einmuna veðurblíða mun leika við hina Eyrbekksku strönd og gesti Aldamótahátíðar um komandi helgi.

föstudagur: Hægviðri eða létt hafgola, hiti um 14 stig, sólskín.

laugardagur: Hæg norðanátt, hiti 14-16 stig, sólskín.

sunnudagur:  Vaxandi  norðanátt, hiti 12-14 stig, sólskín.

Vertíðina 1961 reru þrír bátar af Eyrarbakka, en það voru Björn ÁR, skipstj. Sigurður Guðjónsson, Helgi ÁR 10, skipstjóri Sverrir Bjarnfinnsson aflakóngur og Jóhann Þorkellson ÁR 24, en skipstjórin á honum var Bjarni Jóhannsson.

16. - 31. jan. Frá Eyrarbakka reru 2 bátar í byrjun vertíðar með línu. Fóru þeir alls 7 róðra í jan. og öfluðu 16 lestir óslægt, þar af aflaði Helgi ÁR 10, 14 lestir í 6 róðrum.

1.-15. febrúar.  Héðan reru 2 bátar með línu; nam afli þeirra á tímabilinu 67 lestum í 18 róðrum, var afli þeirra nær alveg jafn.

16.-28. febr. Héðan reru 2 bátar með línu og varð afli þeirra á tímabilinu 25 lestir í 8 róðrum.

1.-15. marz. Héðan reru 2 bátar með net. Voru gæftir alveg afleitar. Fór hvor bátanna 2 róðra og nam aflinn 6 lestum.

15. - 31. marz. Héðan reru 3 bátar með net. Gæftir voru sæmilegar, en þó flest farnir 13 róðrar. Aflahæsti bátur á tímabilinu varð ms. Björn með 68 lestir.

1.apríl - 15. apríl 1961. Héðan reru 3 bátar með net. Gæftir voru mjög góðar og voru flest farnir 13 róðrar. Aflinn á tímabilinu varð 195 lestir í 33 róðrum. Aflahæstu bátarnir á tímabilinu voru: Helgi með 77 lestir í 13 róðrum og  Jóhann Þorkelsson með  69 lestir í 13 róðrum.

16.-30. apríl. Héðan reru 3 bátar með net. Gæftir voru góðar og voru flest farnir 11 róðrar. Aflahæsti bátur á vertíðinni í apríllok var Helgi með 234 lestir í 57 róðrum.

1.-15. maí 1961, vertíðarlok. Frá Eyrarbakka reru 3 bátar með net, gæftir voru sæmilegar. Aflinn á tímabilinu varð 33 lestir í 5 róðrum. Aflahæsti báturinn var ms. Björn með 27 lestir (óslægt) í 3 róðrum. Heildaraflinn á vertíðinni varð 637 lestir (óslægt) í 141 róðri hjá 3 bátum. Aflahæstu bátar á vertíðinni voru: Helgi með 237 lestir í 58 róðrum og Jóhann Þorkelsson með 221 lest í 53 róðrum.

15. maí til 31. ágúst, humarvertíð. Af Bakkanum stunduðu 4 bátar humarveiðar og öfluðu allvel eða um 4 lestir í veiðiför en afli fór minkandi er áleið.

1. sept. - 31. okt. Héðan stunduðu 3 bátar humarveiðar fram til 15. september. Afli var mjög rýr frá septemberbyrjun og aðallega þorskur og langa. Algeng veiðiköst voru um 1 lest í veiðiferð, sem tekur venjulega um 2 sólarhringa.

Ekkert var róið af Bakkanum í nóvember og desember 1961.

Heimild:  Ægir 1961.

15.-31. janúar. Frá Eyrarbakka byrjuðu 2 bátar róðra með línu á vertíðinni sem hófst um miðjan janúar, en þar sem stöðugar ógæftir höfðu verið síðari hluta mánaðarins, fóru  bátarnir aðeins 3 róðra og öfluðu 12 lestir.

1.-15. febrúar.  Héðan reru 2 bátar með línu, gæftir voru alveg afleitar. Afli bátanna á tímabilinu var alls 10 lestir í 3 róðrum, þar af hafði  m/s Öðlingur 8 lestir í 2 róðrum.

16.-28. febrúar.  Héðan reru 2 bátar með línu, gæftir voru afleitar; varð aflinn á tímabilinu 29 lestri í 6 róðrum. Heildaraflinn á vertíðinni var í febrúarlok 51 lest í 12 róðrum, en var á sama tíma árið áður 107 lestir í 33 róðrum.

1-1 5 - marz. Af Bakkanum reru 3 bátar með net og voru gæftir góðar. Aflahæstir  bátar voru Öðlingur með 55 lestir í 9 róðrum og Jóhann Þorkellsson með 46 lestir í 9 róðrum.

16,-31. marz 1962. Héðan reru 3 bátar með net og voru gæftir ágætar. Aflinn á tímabilinu varð 375 lestir í 44 róðrum. Mestan afla í róðri fengu Björn þann 22. marz, 17.5 lestir og Öðlingur þann 29. marz, 17.5 lestir. Aflahæsti bátur á tímabilinu var Öðlingur með 140 lestir í 16 róðrum.

1.-15. apríl. Héðan reru 3 bátar með net, gæftir voru góðar. Aflinn á tímabilinu varð 193 lestir í 36 róðrum. Mestan afla í róðri fékk ms. Björn þann 10. apríl, 14 lestir. Aflahæstu bátar á tímabilinu voru: Öðlingur með 79 lestir í 13 róðrum og Björn með  76 lestir í 12 róðrum.

16.- 30. apríl 1962. Héðan reru 3 bátar með net, gæftir voru góðar. Aflinn á tímabilinu nam 209 lestum í 33 róðrum. Aflahæsti bátur á tímabilinu var Jóhann Þorkelsson með 83 lestir í 10 róðrum. Aflahæsti bátur í apríllok var ms. Öðlingur með 376 lestir í 58 róðrum.

1-15. maí. Vertíðarlok.  Frá Eyrarbakka reru 3 bátar með net. Aflinn á tímabilinu varð 44 lestir í 13 róðrum. Aflahæsti báturinn á tímabilinu var m.s. Öðlingur með 16 lestir í 4 róðrum. Vertíðaraflinn varð 1008 lestir í 166 róðrum. Aflahæsti báturinn á vertíðinni var m.s. Öðlingur ÁR 10. Skipstjóri á Öðling var aflaklóin Sverrir Bjarnfinsson.

15. maí-30. júní 1962. Humarvertíð.  Héðan höfðu 2 bátar stundað humarveiðar og aflað að jafnaði 1.5-2.5 lestir í veiðiferð. Þá hóf 1 bátur dragnótaveiðar eftir miðjan júnímánuð, hafði  afli hans verið rýr eða um og yfir 1 lest í róðri.

1. júlí-31. ágúst 1962. Héðan reru 3 bátar á tímabilinu, þar af voru 2 bátar á humarveiðum, en 1 bátur með dragnót. Afli humarbátanna var 1-3 lestir í veiðiför, þar af var að jafnaði 2/5 hlutar humar. Aflinn á tímabilinu nam 195 lestum þar af aflaði .ms. Öðlingur 105 lestir en ms. Björn 90 lestir. Afli hjá dragnótabátnum ms. Jóhanni Þorkelssyni varð fremur rýr eða 86 lestir á tímabilinu.

1. september - 30. nóvember 1962. Héðan stundaði 1 bátur dragnótaveiðar framan af septembermánuði, hætti þá veiðum vegna aflatregðu.

desember. Engin sjósókn af Bakkanum í desember.

1.-16. jan. 1963. Af Bakkanum byrjuðu 2 bátar veiðar í janúar, var annar þeirra með línu, en hinn með botnvörpu. Aflinn á tímabilinu var 66 lestir í 16 róðrum, þar af hafði  ms. Öðlingur (lína) aflað 48 lestir í 13 róðrum.

16.-31.jan. 1963. Héðan reri 1 bátur m/s Öðlingur á tímabilinu, gæftir voru afleitar og fékk hann 14 lestir í 4 róðrum. Heildaraflinn í janúar varð 80 lestir í 20 róðrum hjá tveim bátum, þar af hafði m/s Öðlingur aflað 62 lestir í 17 róðrum.

1.-15. febrúar.  Héðan reru 2 bátar, var annar þeirra með línu, en hinn með botnvörpu. Gæftir voru slæmar. Aflinn á tímabilinu varð 24 lestir í 9 róðrum. Þar af var afli m/s Öðlings (lína) 21 lest í 7 róðrum.

16.-28. febrúar, 1963. Héðan reru 3 bátar með net, gæftir voru slæmar. Aflinn á tímabilinu var 129 lestir í 17 róðrum. Aflahæsti bátur á tímabilinu var Unnur með 65 lestir í 7 róðrum. Heildaraflinn í febrúar lok var 232 lestir í 44 róðrum. Aflahæsti bátur í febrúar lok var Öðlingur með 137 lestir í 32 róðrum.

1.-15. marz, 1963. Héðan réru 4 bátar með net,  gæftir  voru góðar og voru flest farnir 11 róðrar. Aflinn á tímabilinu varð 148 lestir í  38 róðrum. Aflahæstu bátar á tímabilinu voru: Unnur með 51 lest í 11 róðrum og Öðlingur  með 50 les tir í 11 róðrum.

16.-31. marz, 1963. Héðan réru 4 bátar með net, gæftir voru góðar. Aflinn á tímabilinu varð 342 lestir í 49 róðrum. Aflahæsti bátur á tímabilinu var Unnur með 133 lestir í 15 róðrum.

1.-15. apríl 1963. Héðan réru 3 bátar með net, gæftir voru sæmilegar. Aflinn á tímabilinu varð 487 lestir í 31 róðri. Aflahæstu bátar á tímabilinu voru: Unnur  með 204 lestir í 11 róðrum og  Öðlingur  með  160 lestir í 9 róðrum.

16.-30. apríl 1963. Héðan réru 3 bátar með net og 1 með botnvörpu. Gæftir voru fremu r góðar.  Aflinn a tímabilinu varð 224 lestir í 30 róðrum. Aflahæsti bátur á tímabilnu var Unnur með 112 lestir í 13 róðrum. Heildaraflinn í apríllok var 1.433 lestir í 189 róðrum. Aflahæstu bátar í apríl lok voru Unnur með 585 lestir í 62 róðrum og Öðlingur með 458 lestir í 68 róðrum.

1.-15. maí, 1963. Vertíðarlok.  Frá Eyrarbakka réru 3 bátar með net. Gæftir voru fremur slæmar. Aflinn á tímabilinu varð alls 103 lestir í 13 róðrum.  Aflahæstu bátar á tímabilinu voru: Unnur og Jóhann Þorkelsson,  voru báðir bátar með 44 lestir í 5 róðrum. Vertíð lauk þann 10. maí og varð vertíðaraflinn 1.535 lestir í 206 róðrum hjá 4 bátum. Meðalafli í róðri varð 7,45 lestir. Aflahæstu bátar á vertíðinni voru:  Unnur með 629 lestir í 67 róðrum og Öðlingur með 458 lestir í 68 róðrum.

15. mai-15. júlí 1963. Héðan höfðu 3 bátar stundað humarveiðar frá júníbyrjun. Gæftir voru góðar og afli allgóður,  var heildaraflinn á tímabilinu um 225 lestir þar af var um 50-60% aflans humar.

15. júlí til 31. ágúst.  Þrír bátar stunduðu humarveiðar. Aflinn á tímabilinu var um 100 lestir, þar af um 30% humar.

september.  Héðan stunduðu 3 bátar humarveiðar til 15. september. Gæftir voru fremur óhagstæðar, aflinn á tímabilnu varð 23 lestir, þar af 7 lestir humar.

oktober. Ekkert var róið af Bakkanum í oktober,

nóvember 1963. Héðan stundaði 1 bátur togveiðar, en gæftir voru slæmar; varð aflin á tímabilinu 30 lestir í 5 veiðiferðum.

desember 1963. Ekkert var róið.

Mánuðurinn hófst með brakandi þurki Sunnanlands  með  hlýindum og var oft á tíðum  um 20 stiga hiti hér á Bakkanum.  Létt hafgola lék við stöndina flesta daga um hádegisbil  og fram til nóns á fyrri hluta mánaðarins. Bændur nýttu sér þurkinn og hvítar rúllur hrönnuðust upp eins og risavaxnar gorkúlur um allan Flóann. Öskufok gerði þann 23. en síðan tók veðurfarið að sveiflast til verri vegar.  Hvassviðri gerði þann 26. en síðan tók við súldarloft og suddi fram til loka.

Nánar: Veðurklúbburinn Andvari.

Janúar. Vertíð átti að hefjast  upp úr miðjum janúar og voru þrír bátar albúnir til veiða.  Kristján Guðmundsson strandaði en náðist á flot.

16.-31. janúar 1964. Af Bakkanumn  hafði  1 bátur byrjað veiðar með botnvörpu;  hann fór 1 sjóferð og aflað 5-600 kg. Tíðarfar var með afbrigðum óhagstætt.  Á fyrra  ári varð janúaraflinn 80 lestir í 20 róðrum hjá 2 bátum.

1.-16. febrúar.  Ekkert var róið í febrúar vegna brims.

16. -28. febrúar 1964. Héðan reru 3 bátar með net; fóru þeir alls 16 róðra á tímabilinu og öfluðu 127 lestir. Aflahæsti bátur var Jóhann Þorkelsson með 54 lestir í 8 róðrum. Á sama tíma á fyrra ári nam heildaraflinn 232 lestum í 44 róðrumhjá 3 bátum.

16.-31. marz. Héðan réru 3 bátar með net. Gæftir voru ágætar. Aflinn á tímabilinu varð 344 lestir í 38 róðrum. Aflahæsti bátur á tímabilinu var Kristján Guðmundsson með 140 lestir í 14 róðrum. Heildaraflinn í marzlok varð 703 lestir í 85 róðrum, en var árið áður 721 lest í 132 róðrum hjá 4 bátum. Aflahæsti bátur í marzlok var Kristján Guðmundsson með 242 lestir í 30 róðrum.

1.-15. apríl 1964. Héðan réru 3 bátar með net, gæftir voru ágætar, aflinn á tímabilinu varð 455 lestir í 42 róðrum. Aflahæsti bátur á tímabilinu var: Kristján Guðmundss. með 192 lestir í 14 róðrum.

1.-15. maí. Vertíðarlok. Frá Eyrarbakka réru 3 bátar með net og varð afli þeirra á tímabilinu 33 lestir. - Heildaraflinn á vertíðinni varð 1620 lestir í 175 róðrum. Meðalafli í róðri 9,26 lestir. Á fyrra ári var aflinn 1535 lestir í 206 róðrum hjá 4 bátum. Meðalafli í róðri 7,45 lestir. Aflahæsti bátur á vertíðinni varð Kristján Guðmundsson með 616 lestir í 61 róðri. Skipstjóri var Þorbjörn Finnbogason.

15. maí til 30. júní. Þrír bátar stunduðu humarveiðar síðan 26. maí, afli þeirra á tímabilinu varð 53 lestir, þar af var um 18 lestir sliltinn humar.

1.-31. júlí 1964. Héðan stunduðu 3 bátar humarveiðar og 1 bátur á dragnótaveiði, aflinn hjá humarbátunum varð 20 lestir á tímabilinu, þar af voru 7 lestir slitinn humar. Afli dragnótabátsins varð 13 lestir, þar af voru 7 lestir ýsa en 6 lestir koli.

1.-31. ágúst 1964. Héðan  stunduðu 3 bátar humarveiðar og 1 bátur dragnótaveiði. - Aflinn á tímabilinu varð 87 lestir, þar af var afli í humartroll 53 lestir, sem var svo til eingöngu bolfiskur, eða 52 lestir. Aflinn í dragnót varð 34 lestir, þar af voru 20 lestir koli, en 14 lestir ýsa.

1.-30. september 1964. Af Bakkanum höfðu 5 bátar stundað veiðar í september, þar af voru 2 með botnvörpu og 3 með dragnót. Gæftir voru mjög erfiðar og afli rýr, einungis 93 lestir, þar af um 26 lestir koli.

1.-31. október 1964. Héðan höfðu 2 bátar stundað dragnótaveiðar, aflinn á tímabilinu varð um 48 lestir, mest allt ýsa.

nóvember 1964. Héðan fór einn bátur 3 róðra með fiskitroll og aflaði 6 lestir.

desember 1964. Ekkert var róið.

janúar 1965. Ekkert var róið af Bakkanum í janúar.

1.-16. febrúar.  Bátar albúnir til veiða, en ekkert róið vegna brims.

16.-28. febrúar 1965.  Héðan réru 4 bátar með net, aflinn á tímabilinu varð 195 lestir í 27 róðrum. Aflahæsti bátur á tímabilinu varð Þorlákur helgi með 85 lestir í 9 róðrum. Þar sem þetta er byrjunaraflinn á vertíðinni, er það einnig heildaraflinn í febrúarlok, en á fyrra ári var aflinn á sama

tíma 232 lestir hjá 3 bátum í 44 róðrum.

1.-16. marz 1965. Fjórir bátar reru með net.  Aflinn á tímabilinu varð 289 lestir í 44 róðrum. Aflahæstu bátar á tímabilinu voru: Kristján Guðmundsson og Þorsteinn, báðir með 77 lestir í 11 róðrum.

16.-31. marz 1965. Héðan réru 4 bátar með net, aflinn á tímabilinu varð 391 lest í 59 róðrum. Aflahæsti bátur á tímabilinu var Þorlákur Helgi með 121 lest í 14 róðrum. Heildaraflinn í marzlok varð 783 lestir í 103 róðrum, en var í fyrra 703 lestir í 85 róðrum hjá 3 bátum. Aflahæsti bátur á tímabilinu var Þorlákur Helgi með 273 lestir í 35 róðrum.

1.-16. apríl 1965. Héðan réru 4 bátar með net, aflinn á tímabilinu varð 483 lestir í 51 róðri. Aflahæsti bátur á tímabilinu varð Jóhann Þorkelsson með 143 lestir í 14 róðrum.

16.-30. apríl 1965. Af Bakkanum réru 4 bátar með net og varð afli þeirra á tímabilinu 783 lestir í 44 róðrum. Aflahæsti bátur á tímabilinu var Þorlákur helgi með 243 lestir í 13 róðrum. Heildaraflinn í apríllok var 2.140 lestir í 198 róðrum, en var á fyrra ári 1.587 lestir í 168 róðrum hjá 3 bátum. Aflahæsti báturinn í apríllok var Þorlákur helgi með 626 lestir í 58 róðrum.

1.-16. maí 1965. Vertíðarlok.  Frá Eyrarbakka réru 4 bátar með net. Aflinn á tímabilinu varð 87 lestir í 17 róðrum.  Aflahæsti bátur á tímabilinu var Þorsteinn  með 36 lestir í 7 róðrum. Heildaraflinn á vertíðinni var 2.237 lestir í 242 róðrum, en var í fyrra 1.620 lestir í 175 róðrum hjá 3 bátum. Aflahæsti bátur á vertíðinni var Þorlákur helgi með 646 lestir í 63 róðrum. Skipstjóri á Þorláki helga var Sverrir Bjarnfinnsson.

20. maí - 30. júni 1965. Fjórir bátar stunduðu humarveiðar í júní og varð afli þeirra alls 51 lest, þar af 10,7 lestir slitinn humar.

júlí 1965. Héðan stunduðu 4 bátar humarveiðar í júlí og varð afli þeirra alls 81,7 lestir í 22 sjóferðum, þar af 18,2 lestir slitinn humar. Einn bátur var á dragnót og fékk 11,4 lestir í 9 sjóferðum. Gæftir voru ágætar og afli sæmilegur.

ágúst 1965. Héðan  stunduðu þrír bátar veiðar með humartroll og varð afli þeirra alls 24 lestir, þar af 1.9 lestir af slitnum humar. Einn bátur var á dragnót og var afli hans 12.6 lestir. Gæftir voru ágætar, en afli lélegur.

september 1965. Tveir bátar stunduðu veiðar, 1 með fiskitroll og  1 með dragnót. Afli þeirra var alls 8,5 lestir, þar af 6 lestir bolfiskur og 2,5 lestir flatfiskur. Gæftir voru góðar en afli sáralítill.

október. Héðan stunduðu 3 bátar botnvörpuveiðar, en gæftir voru það óhagstæðar að aðeins voru farnir nokkrir róðrar og var afli mjög rýr, eða um 2-300 kg. í róðri.

nóvember 1965. Héðan stunduðu 2 bátar veiðar, en gæftir voru mjög slæmar. Farnar voru 2 sjóferðir með fiskitroll og var afli um 700 kg.

desember 1965. Engin útgerð var frá Eyrarbakka í desembermánuði.