Veðurathugunarstöðin í Stíghúsi sýndi mesta úrkomu á landinu síðasta sólarhringinn eða samanlagt 66 mm.kl.09:00 Það er semsagt blautt á Bakkanum.

Fyrsti snjórinn í Árborg féll á Selfossi í nótt og í morgun var komið um 2 cm jafnfallin snjór í bænum. Nafli alheimsinns er enn sem komið er snjólaust svæði enda nokkur hitamunur á milli Selfoss og Eyrarbakka á þessum árstíma.

Nú fer að líða að því fyrstu snjókornin falli á nafla alheimsinns en veðurspár gera ráð fyrir snjókomu um sunnanvert landið með morgundeginum.

það má segja að nú sé runnin upp fyrsti vetrardagur í þeim skilningi að hitastig sé 0°C eða lægra mestan part á undangengnum 24 klst.

  kl 5 í morgun sýndi sjálvirka veðurstöðin á Eyrarbakka -3,5°C sem er mesta frost síðasta sólahrings og þessa vetrar sem er nú gengin í garð.

Útlit er fyrir úrkomu um  miðja næstu viku og veltur það á hitastiginu hvort hún verður í glæru eða hvítu formi.

Samkvæmt skráningu bresku veðurfarsíðunar tutiempo.net voru 5 snjókomudagar á Eyrarbakka í oktober 2005 og var fyrsta skráningin þann 7 oktober.(Nýtt Brim skráði fyrsta snjófallið 12.okt 05 skoða og blindhríð þann 28. skoða ) Árið 2004 voru 2 dagar skráðir með snjókomu í lok oktober þann 28. og 31. Árið 2003 var einn dagur skráður með snjókomu, en það var  29.okt.

Árið 1999 leið oktober án snjóa en það ár skráðist fyrsti snjókomudagurinn 1.nóvember. Oktober 1997 var líka án snjókomu en þann 2. nóvember féll fyrsti snjórinn samkv.skráningu vefsíðunnar.

Þannig eru mestar líkur á að fyrsti snjórinn falli í kring um mánaðarmótin oktober, nóvember og þá er bara að vera tilbúinn með nagladekkin.

Þó eru nokkur líkindi til að þetta árið verði slegið veðurmet í þessum efnum og snjórinn komi mun seinna en en áður þar sem enn hefur ekki fryst á hálendinu að ráði og oft hefur snjóað í fjöll þegar komið er fram á þennan tíma. Á Hveravöllum hefur til að mynda ekki fest snjó sem komið er.

Umræður um veðrið skipa álíka mikinn sess í íslensku þjóðlífi og umræður um pólitík og er það sama hvort um er að ræða íbúa á Dalvík eða Eyrarbakka. Þó veðurglöggum mönnum hafi fækkað hin síðari ár þá hefur tæknin komið í þeirra stað til að segja fyrir um veðrið og jafnvel með margra daga fyrirvara. Svo spá menn í það hvort veðurspáinn hjá Sigga ? Storm sé líklegri til að ganga eftir fremur en veðurspár annara veðurfræðinga.

Svo eru þeir líka til sem eru ekki bara að spá í veturinn framundan,eða hvort gróðurhúsaáhrifin muni vara fram að jólum, heldur eru að spá í hvernig veðrið var fyrir 55 miljónum árum síðan.

Athyglisverð háskólagrein eftir Eyrbekkinginn Sigurjón Vídalin um fornaldar veðurfar má finna Hér en þar dregur hann saman hugsanlegar ástæður Ísalda og Gróðurhúsatímabila í jarðsögunni sem segir okkur að Ísöld gæti verið hinn eðlilegi status veðurfars á jörðinni en hlýnunartímabilin stafi m.a. af tímabundnum náttúrulífræðilegum orsökum sem síðan leiti jafnvægis á ný.

Það hefur líklega ekki fararið framhjá neinum sem fóru til vinnu í morgun að hafa þurft að skafa bílrúðurnar.  Kl. 07:00 í morgun var -1°C

Webcam Azoreyjar.

Gordon stormar nú yfir Atlantshafið og nálgast Azoreyjar óðfluga. Gordon er þessa stundina 2.stigs fellibylur sem hreifist vestur á bóginn með 44 km/klst og er væntanlegur til Azoreyja í kvöld. Vindhraði fellibylsinns er um 44 m/s og áhrifasvæði hanns nær yfir 180 km radíus. Loftþrýstingur er 970 mb.

Fyrsta haustlægðin komin með tilheyrandi roki og rigningu!

Hélt einhver að sumarið væri komið? Þá er að fara úr stuttbuxunuim og í gamla góða föðurlandið, því kalt verður í veðri framan af vikunni.

Í dag verður hvöss norðanátt, víða átta til þrettán metrar á sekúndu, sums staðar hvassari, einkum austan til. Þá er spáð éljagangi á Norður- og Austurlandi, en úrkomulaust að mestu. Samkvæmt spá Veðurstofu Íslands dregur úr vindi á morgun og á miðvikudag, þótt áfram verði éljagangur fyrir norðan. Seinni hluta vikunnar má búast við hægri vestlægri átt með hlýnandi veðri.

Ástæðan fyrir kuldakastinu eru lægðir fyrir austan land sem dæla köldu heimskautalofti inn yfir landið.

Sólargeislarnir stinga sér niður á Bakkann sem iðar af lífi og framkvæmdargleði enda eru að koma kosningar og bæjaryfirvöld eru því í óða önnað standsetja lóðir undir nýbyggingar framtíðarinnar, og á  meðan menn eru í óða önn að byggja hús  í blíðunni, þvær þvær brimið hin skreypu sker í hita yfir 20°C.

Margir hafa undrast blámóðuna sem hylur mönnum fjallasýn,en það ku vera mengun af völdum kolareyks frá Póllandi og skógareldum í Noregi. Í mollunni má jafnvel finna angan af brennandi birkitrjám.

Í býtið á fimmtudagsmorgun verður fjallað um Eyrarbakka í þættinum "Í býtið" á stöð 2. Ekki missa af því.

 Brim-bloggið mun vera ein af fyrstu veðurbloggsíðum hérlendis.