Kaldbakur heitir fjall nokkurt sem rís hátt norður af Grenivík. Snjófláki er þar austur undan tindinum sem helst þar við allt sumarið og hefur lítið minkað þrátt fyrir gróðurhúsa áhrifin. Á efri myndinni sem er frá því um eða eftir 1950 og þeirri neðri sem er tekin nú í ágúst má sjá að lítill munur er á snjóflákanum. Fyrir neðan snjóflákann má sjá glytta í íshellu sem heimamenn kalla "Kaldbaksjökul" og er líklega eini jökullinn sem stækkar um þessar mundir. Líkleg skýring er sú að þegar bráðnar úr snjóhengjunni í sólinni safnast fyrir klaki í lægð undir skaflinum þegar vatnið frýs aftur.