Talsvert var um það í dag að fólk færi í berjatínslu upp í fjallshíðar, enda veðrið til þess hið ákjósanlegasta. Flest ber eru orðin vel þroskuð og víða krökt af þeim. Berjasprettan virðist góð þetta árið, en í fyrra var metár í berjasprettu sunnanlands.

Í dag fór hitinn hér upp í 17,4 °C og hlýjast á landinu eins og svo oft  í sumar og að auki dagsmet  á Eyrarbakka. Eldra dagsmet er frá 1984 14.5°C

Hitabeltisstormurinn Danny mun fylgja í kjölfar X-Bill og hitta breta fyrir á þriðjudag. Í dag var stormurinn á norðurleið undan ströndum N Carolinu USA. Danny er fremur veikburða af hitabeltisstormi að vera, en vindhviður eru um 23- 25 m/s.

Danny kemur ekkert við sögu hjá okkur, nema hvað búast má við brimi að hans völdum eftir miðja næstu viku.

Mestu brimmánuðir ársins eru des,jan,febr, en minstu júlí og ágúst.
Árstíðasveiflan: dagafjöldi

mán	B 0, 1 og 2	B 3	B 4, 5 og 6
jan	11	14	6,25
feb	11	13	4,5
mar	17	11	3,25
apr	19	9	2
maí	25	5	1
jún	25	4	1
júl	28	3	0,5
ágú	28	2	0,5
sep	19	8	2,5
okt	19	9	2,5
nóv	15	11	4
des	13	13	5

P. Níelsen veðurathugunarmaður á Eyrarbakka hélt nákvæma skrá yfir sjólag og flokkaði brimstyrk frá 0-6 sem ég kalla hér Nielsenkvarða. Hér er samantekt fyrir hvert ár (árin sem vantar var Nielsen utanlands):

ATH: Fjöldi daga á ári (einhverjar athuganir vantar eða brotum er sleppt):

Í dag tók að brima á Bakkanum eftir langt hlé. Peter Nielsen veðurathugunarmaður (1880 til 1911) og faktor í Húsinu á Eyrarbakka athugaði sjólag flest árin þrisvar á dag (kl 8, 14 og 21 (9,15 og 22 skv. okkar tíma). Hann skipti sjólagi sem hann kallaði (brænding = brim) í 7 flokka 0 - 6 á eftirfarandi hátt 
 

Styrke 0 : Aldeles slet Sö, der sees ingen Brændning paa Skærene (Al sléttur sjór, ekkert brim sést á skerjunum)

Styrke 1 : Rolig Sö. Brænding paa Skærene flere steder (Rólegur sjór, en brim á nokkrum stöðum)

Styrke 2 : Brydning overalt mod Skærene, men ikke paa Sundene (Brim-brot- fyrir öllum skerjum, en ekki á sundinu)

Styrke 3 : Brydning overalt, ogsaa paa Sundene for det meste; dog kan det ofte lykkes for aabne Fiskebaade at smutte ind gjennem Brændningen, ved at afvente smaa Ophold mellem Söerne, især omkring Höjvande (liggja til laga). (Brim-brot- alstaðar og á mest öllu sundinu. Oftast mögulegt fyrir opna fiskibáta að skjóta sér í gegnum brimið með því að sæta lagi á flóði.)

Styrke 4 : Uavbrudt Brænding overalt. Ind og Udsejling standset, i al Fald for aabne Baade og mindre Motorbaade. (Óbrotið brim yfir öllu. Inn og útsigling varasöm, í öllu falli fyrir opna báta og minni mótorbáta.)

Styrke 5 : Voldsom Brænding; Söerne brydes mod Sögerdet (Stórbrim, brimaldan brotnar að sjógarði)

Styrke 6 : Endnu voldsommere Brænding. Söerne gaar over Sögerdet og langt ind paa Land.(Ofsabrim, brimaldan gengur yfir sjógarð -gamla- og langt upp á land.)

Heimild: Trausti Jónsson veðurfr.
þýðing: OKA

Gali haninn óvenju mikið veit það á vætu, stendur einhversstaðar og önnur saga segir að ef einhver leggi hrífuna frá sér þannig að tindarnir standi upp, þá kalli það á regn, en hvort sem þetta er satt eða ekki þá hefur talsvert ringt hér í dag og í kvöld. En helgin lofar góðu segja spár og jafnvel hægt að sóla sig a.m.k. fram á sunnudag.

Vindhraði fór víða yfir 20 metra á sekúndu í dag, t.d. hér á Bakkanum í mestu hviðunum, en hvassast var á Bláfeldi á sunnanverðu Snæfellsnesi, 27,8 metrar á sekúndu og á Fagurhólsmýri mældist vindhraðinn 26,3 m/s.

Hinu frábæra sumri virðist nú lokið fyrir fullt og allt og haustveðrin að taka völdin með gusti og rigningum. Annars fór hitinn upp í 18.1°C í stutta stund í dag og er það skráð dagsmet hjá Briminu, en fyrra dagsmetið er frá 1989 16,3°C

Um kl. 9 í morgun var Bill staddur 305 km. NA af Cape Race á Nýfundnalandi og stefnir ANA á 69 km/klst og mun auka hraðann á næstu 1 til 2 dögum. Vindhraðinn er nú 110 km/klst, en með hvassari hviðum. Gert er ráð fyrir að stormurinn veikist frekar á næstu dögum. Bill er nú skilgreindur sem mjög öflugur stormur 980 mb. með ofsaveðri á köflum og verður svo næstu tvo daga. Veðuráhrif stormsins ná nú 510 km. út frá miðju hans.

Stormurinn Bill er nú við Nova Scotia og telst vera 1. stigs fellibylur. Hann mun fara yfir Nýfundnaland í nótt. Stefnan er NA á 56 km.hraða. Vindhraðinn er 120 km/klst en hvassari í hviðum.Loftþrýstingur er nú 970 mb. Veðuráhrif frá fellibylnum nær yfir 465 km út frá miðju og fylgir honum mikil úrkoma. Allt bendir til þess að hann muni þvera Atlantshafið og fara yfir Skotland og þaðan til Noregs.

Tölvuspár gera nú ráð fyrir að fellibylurinn Bill fari norður á bógin og stefni á Skotlandsstrendur. Hann gæti verið kominn þangað á miðvikudag í næstu viku, en hefði um leið áhrif hér á landi. Bill er núna þriðjastigs fellibylur, en mesti krafturinn verður þó úr honum þegar hann fer að kveða að sér á norðurslóðum í næstu viku.

Fyrsta haustlægðin ef svo má segja, er komin og lætur ekki fara mikið fyrir sér hér um slóðir, nema hvað henni fylgir nokkur úrkoma og verður ugglaust forvitnilegt að sjá hvað hefur komið í mæliglasið í Stíghúsi eftir morguntökuna í fyrramálið. En það þarf þó að rigna talsvert mikið til að slá út dagsmetinu frá 1969 sem er 15.9 mm og fremur ósennilegt að það náist. En mesta úrkoma sem mælst hefur á Eyrarbakka í ágúst var 79,2 mm þann 10. 1984 og er það líklegt til að standa enn um sinn.

þennan dag: 1968 féllu kartöflugrös víða.

Aldamótahátíð var haldin á Eyrarbakka um liðna helgi. Þar var m.a. boðið upp á íslenska kjötsúpu við Rauða Húsið, söfnin og galleríin voru opin og margt til gamans gert. Dagskráin var afar fjölbreytt og viðamikil.

Eigendur fornbíla rúntuðu um göturnar á drossíum sínum. Götumarkaðir voru víða í þorpinu og menningarviðburðir ýmiskonar á veitingastöðum svo sem dans og tónlist. Hestvagn og gamall T-Ford óku farþegum um þorpsgötunna. Í Gónhól var fjölsótt markaðstorg og fornbílasýning. Í Gallerí Regínu var boðið upp á rjúkandi pönnukökur og harmonikkutónlist

Gríðarlegur fjöldi gesta sótti hátíðina heim og talið er að milli fjögur og fimmþúsund manns hafi spókað sig í blíðunni á Bakkann um helgina.

Hátíðinni lauk á sunnudagskvöldið við Slippinn með fjöldasöng undir stjórn Árna Johnsen. Langeldur var tendraður og flugeldasýning haldinn úti á skerjum í boði björgunarsveitarinnar.

 
 
http://brim.123.is/album/default.aspx?aid=156414

Menn hafa eflaust orðið varir dalalæðu í gærkvöldi og að að dögg var á bílum í morgunsárið.
Næst minnsti hiti á landinu var nefnilega hér liðna nótt, en þá féll hitinn niður í 0,9°C. Aðeins var kaldara á Þingvöllum, eða rétt um frostmark. Á meðan vindur er hægur af norðan og bjart yfir um þetta leyti árs, eru jafnan vaxandi líkur á næturfrostum. En það má segja að kuldamet sé fallið fyrir daginn, því lágmarksmetið í mínum bókum er 1,1°C frá 1993. En kaldasta nótt í ágústmánuði var - 1.1 þann 27. 1985 og nú er bara að sjá hvort það standi áfram.