Skráður íbúafjöldi var mestur á Bakkanum árin  1918-1920. Þá bjuggu hér 950 til 1000 manns. Þar af bjuggu í Hraunshverfi um 100 manns, flest í torfbæjum. Í stærri húsum á Bakkanum sem þá voru flest nýbyggð, bjuggu 2 - 3 fjölskyldur saman og oft barnmargar. Síðan tók íbúum að fækka og Hraunshverfi og torfbæirnir lögðust í eyði. Stórverslunin lagðist af og með því hurfu störf fjölda fólks. Frá þeim tíma hefur íbúatalan verið nokkuð stöðug milli 5 og 600 manns. Árið 2019 voru 558 íbúar á Eyrarbakka.
Í dag búa ríflega 10.000 manns í Árborg, sameinuðu sveitarfélagi.

17. desember 1850: Fyrsti undirbúningsfundur að stofnun barnaskóla á Eyrarbakka var haldinn á Stokkseyri.
12. janúar 1851: Annar undirbúningsfundur haldin og þá kosið í nefndir og ákveðið að skólinn starfaði fyrir bæði þorpinn.
25. október 1852: Skólinn settur í fyrsta sinn.
Skólahúsið á Eyrarbakka var byggt með fjáröflun almennings en á Stokkseyri var aðstaða tekin á leigu.
1880 Nýtt skólahús er byggt á vesturbakkanum. Þá voru hugmyndir um stofnun gagfræðaskóla sem náði þó ekki að verða að veruleika.
1897 Eyrarbakkahreppur stofnaður, skólinn klofnar í tvo skóla.
1913 Nýtt skólahús er byggt austast í þorpinu.
1952 Byggt er við skólahúsið. Skólinn 100 ára.
1973 Fyrsta útistofan sett niður.
1981 Byggt við skólahúsið. Skólinn 129 ára.
1987 Tvær nýjar útistofur settar niður.
1996 Barnaskólinn á Eyrarbakka og Stokkseyri sameinast á ný. Skólinn 144 ára.
2007 Tvær nýjar útistofur settar niður.
2008 Nýtt skólahús byggt á Stokkseyri eftir langvarandi deilur um staðsetningu.
2014 Byggt við skólahúsið lítil útbygging.
2018 skólalóðin endurnýjuð. Skólinn 166 ára.