Brim á Bakkanum
brimið þvær hin skreypu sker


F U L L T T U N G L

eftir

18 daga

ALMANAKIÐ

Á G Ú S T M Á N I N N


          
 

 
 Fullt tungl  3
ágúst
2020  
 Síðara kvartil 11 ágúst 2020
 Nýtt tungl
 Fyrsta kvartil
18
25
ágúst
ágúst
2020
2020



  


Flokkur: Veðrið

23.01.2008 10:21

Lítið fuglalíf.

Mynd:fuglar.isFuglatalning fór fram í Eyrarbakkafjöru 13.janúar sl. eftir langt hlé og var fuglalíf með minsta móti, en mest var um dílaskarf. Talningarnar eru á vegum Vigfúsar Eyjólfssonar jarðfræðings.

Sjá nánar fuglatalningarsíðu.

Í þorpinu sveima smáfuglarnir og bíða eftir brauði, því snjór er nú yfir öllu.

Veðrið í dag:V 3 m/s Snjókoma  Skyggni 11 km Talsverður sjór -2,2°C

22.01.2008 23:18

Asahláka og stórbrim


Hvassviðri, rigning og asahláka var á Bakkanum í morgunsárið og stormur víða í grend. Á Hellisheiði og á Bakkanum náði vindur hámarki  24 m/s kl.8 í morgun og á Stórhöfða voru 38 m/s snemma í morgun. Í dag hefur svo rokið upp í storm öðru hvoru. Annars hefur vikan verið köld og hagalaust í sveitum vegna snjóa. Mikill sjór og brim er nú við ströndina.

19.01.2008 15:59

Vetur á Bakkanum.


Svona er veðrið á Bakkanum í dag, él og skafrenningur á köflum og yfir öllu liggur 35 cm. snjólag.
 Frostmet fyrir 19.janúar gerði kl.6 í morgun en þá var -19°C frost en svo snögghlýnaði um hádegisbil og hitastigið -1°C kl.15. Eldra dagsmetið er frá 1998 en þá gerði -15,7°C frost þennan dag. Þannig að með sanni má segja að allt hlýskeiðartalið sé fyrir bý þessa dagana.

17.01.2008 12:55

Færðin

það mætti moka betur þessa dagana!Það snjóar enn í Flóanum og í gær gekk á með eldingum í Gaulverjabæ. Leiðinleg færð er á þjóðvegum okkar hér með ströndinni og upp þrengslin og virðist helst skorta á að næginlega mörg tæki séu að störfum við snjómoksturinn, því hreinsunin gengur bæði seint og illa. Mjög seint og mjög illa! ökumönnum til mikillar armæðu!

15.01.2008 10:06

Mikill snjór

Það hefur snjóað mikið á Suðurlandi frá því í gærkvöldi og nótt. Á Bakkanum hefur einnig verið dálítill skafrenningur og dregið í skafla á milli húsa og lélegt skyggni. Þæfingsfærð var á vegum í morgun og slæm færð ofan Stekka en þung færð var á Selfossi. 

Veðurstofan gaf upp 40 cm. snjódýpt á  Eyrarbakka  kl.09 í morgun, en það var nokkrum sentimetrum ofaukið, hið rétta er 14 cm. en þetta á víst bara eftir að versna því spáð er snjókomu aftur á morgun eftir smá uppstyttu í kvöld
.

kl. 17:00 var snjódýptin á Bakkanum 20 cm og er kominn bloti í hann. Slabb er á götum. Mun meiri snjór er á Selfossi, á bilinu 30 til 40 cm og hafa bílstjórar þar tíðum lent í vandræðum vegna snjóþyngsla.

14.01.2008 11:54

Tíðin svöl við sjóinn.

Það hefur andað köldu að undanförnu við ströndina. Norðaustanáttir hafa verið ríkjandi síðustu vikuna og þá oftast stinningsgola með frosti á bilinu -1 til -3°C og úrkomulaust, en nú eru snjókorn tekin að falla og byrgja sýn til fjalla. Áfram er spáð köldu veðri og snjóhraglanda fram á næstu helgi, en þá gæti hlýnað.

Skógarþrestir og Starrar hafa haft vetursetu á Bakkanum og eru þeir í góðum holdum enda tíðin þeim hagstæð. Minna hefur borið á snjótittlingum, en þeir ættu nú að fara að byrtast þegar snjóinn tekur yfir. Þá er gott að eiga brauðmola aflögu til að gefa þeim


09.01.2008 22:24

Veðráttan breytt.

það sem af er mánuðinum höfum við verið blessunarlega laus við rokið og rigninguna sem barið hefur landsmenn í allt haust og fram til áramóta og njótum nú fremur hægviðris af norðaustri, en það hefur jafnframt kólnað í veðri. Fyrstu vikuna í janúar var hiti yfir frostmarki yfir hádaginn, en þessa vikuna hefur verið frost flesta daga og smá snjóföl yfir. Spáin hljóðar upp á éljaveður út vikuna með einhverju kuldakasti og strekkingi.

01.01.2008 12:42

Árið kvaddi með hvassviðri.

Desember var stormasamur á landinu og úrkoma mikil. Verstu stormarnir gengu yfir þann10. des13. des og 14 des. en allra mesti vindhraði mældist á Bakkanum 34 m/s í hviðum í óveðrinu þann 30.des.

Úrkoma mánaðarins reiknast 240 mm sem er vel yfir meðallagi en þó ekki met að þessu sinni. Mánuðurinn var yfirleitt mildur en kuldakafla gerði um jól með snjókomu. Mesta frost mældist -11°C á Bakkanum þann 28.desember.

30.12.2007 11:52

Óveður á Suðurlandi

Vegagerðin segir að óveður sé á nánast öllu Suðurlandi og hálka, krapi eða hálkublettir eru á allflestum leiðum. Kl.11 var vindhraðinn á Eyrarbakka kominn í 26 m/s og 33-34 m/s í hviðum. Á Stórhöfða hafa hviður farið yfir 40 m/s. Talsverð rigning er með ströndinni en minna upp til sveita. Þá voru 23 m/s  á Hellisheiði og 26 m/s á Sandskeiði en aðeins 15 m/s í Þrengslum. 20 m/s voru undir Ingólfsfjalli.

Veðurspáin hljóðar svo til kl. 18 á morgun: Suðaustan 20-23, en 23-28 m/s með ströndinni. Mikil rigning í dag og hiti 5 til 7 stig. Lægir heldur síðdegis. Sunnan og suðvestan 15-20 í kvöld, en dregur smám saman úr vindi í nótt og á morgun með éljagangi. Kólnandi í bili.

26.12.2007 21:58

Spáð bleytu á Gamlárskvöld.

Á mánudag (gamlársdagur) og þriðjudag (Nýársdag lítur út fyrir suðlæga átt með vætu segir veðurstofan og þá munu líklega snjókallar bæjarins bráðna niður ásamt snjónum sem kominn er, en snjódýptin samkv. síðustu mælingu V.Í. voru einir 20 cm á Bakkanum sem er nokkru meira en á höfuðborgarsvæðinu en þar er snjódýptin um 12 cm.

Úrkoma mánaðarins er kominn í 179 mm á Eyrarbakka sem er það mesta síðan metárið 2003 en þá mældust 271,3 mm í desember og því langt í land að það verði slegið.

25.12.2007 13:36

Jólasnjór

Talsvert hefur snjóað á Bakkanum í morgun og er snjólagið nú orðið 10 cm þegar þetta er skrifað. Nú hefur stytt upp í bili og orðið ansi jólalegt yfir að líta. Lítð eitt hafði snjóað við ströndina á aðfangadagsmorgun en þann snjó tók fljótt upp. Í uppsveitum hefur snjóað talsvert frá því í gær og fregnir herma að þar sé allt á kafi í snjó. Á veðurathugunarstöðinni í Hjarðarlandi var snjódýptin komin í 17 cm. kl 09 í morgun og sennilega talsvert bæst við síðan.

19.12.2007 14:52

Vaxandi líkur á hvítum jólum.

Líkur á hvítum jólum aukast.Flestar veðurspástöðvar gera nú ráð fyrir snjókomu sunnanlands á Aðfangadagskvöld og fram á annan í jólum.
Veðurspá 
The Weather Underground, Inc. hljóðar þannig fyrir Eyrarbakka.



Mánudagskvöld Aðfangadag:
Möguleiki á snjókomu. Léttskýjað. Lágm. 30° F. / -1° C. Vindur VNV 35 mph. / 57 km/h./15 m/s Chance of precipitation 50%.

Þriðjudagur Jóladagur:
Möguleiki á snjókomu. Alskýjað. Hám. 32° F. / 0° C. Vindur VNV 38 mph. / 61 km/h./16 m/s Chance of precipitation 40%.

Þriðjudagskvöld Jóladagskvöld:
Möguleiki á snjókomu. Alskýjað. Lágm. 28° F. / -2° C. Vindur VNV 38 mph. / 61 km/h/16 m/s. Chance of precipitation 40%

18.12.2007 15:41

Verða jólin rauð?

Við fáum líklega ekki hvít jól!Brimið á Bakkanum hefur rýnt stuttlega í veðurspárnar fyrir aðfangadag og samkvæmt þeim er útlit fyrir rólega vestanátt og fremur björtu veðri á Bakkanum. Hitastigið verður hinsvegar lágt og jafnvel nokkuð frost. Einhver úrkoma verður á Þorláksmessu. e.tv. lítilsháttar él eða skúrir.

16.12.2007 14:21

Sjávarhamur.


Í óveðrinu á dögunum náði úthafsaldan að ganga inn fyrir enda sjóvarnargarðsins vestan við Einarshöfn og þeytt stórgrýti á land þrátt fyrir að smástreymt væri. Spurning hve langt sjórinn hefði gengið ef það hefði verið stórstreymi þessa stormdaga.

14.12.2007 22:42

Aðventustormur 2 kveður.

Í dag kl. 15:00 náði vindraðinn mestum styrk þegar hann fór í 25 m/s meðalvind og 27 m/s í hviðum á Bakkanum sem er ekki langt frá því sem var í fyrri aðventustorminum í gær.





Á línuritinu má sjá hvernig loftvogin á Bakkanum féll ört og nánast lóðrétt á miðnætti 13 des sl þegar fyrri lægðin barst að landinu og lægðarinnar í dag sem ekki var eins snörp og einnig fjær landi eins og lesa má úr línuritinu því lægðarmiðjan var með 941mb loftþrýsting.

Þessu veðri fylgir stórsjór og því mikið brim úti fyrir og stóröldur dansa á grynningunum. Vestan við Óseyrarbrú hefur verið mikið sandfok í kjölfar veðursins og hefur töluvert sest á veginn við brúarsporðinn.

Flettingar í dag: 1742
Gestir í dag: 410
Flettingar í gær: 1302
Gestir í gær: 387
Samtals flettingar: 2621569
Samtals gestir: 293757
Tölur uppfærðar: 15.8.2020 11:21:36


Sjólag og horfur

 

The surf season is over
 
 
 Eyrarbakki Iceland



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

                           Smellid á myndina fyrir frekari upplýsingar

Eldra efni

Tenglar


Icelandic surf

Veðurgögn Eyrarbakki

5 daga yfirlit