Brim á Bakkanum
brimið þvær hin skreypu sker


F U L L T T U N G L

eftir

13 daga

ALMANAKIÐ

F E B R Ú A R  M Á N I N N

          
 Fyrsta kvartil  1 Febrúar  2020  
 Fullt tungl  9 Febrúar  2020 Þorra tungl 
 Síðara kvartil  15 Febrúar  2020  
 Nýtt tungl  22 Febrúar  2020  Góa
  


Flokkur: Veðrið

02.10.2009 12:44

Slyddurigning

Veðrið í dag er heldur leiðinlegt með kalsarigningu og fremur svalt en vindur skaplegur. Í morgun hafði snjóað í fjöllinn. Á Selfossi var krapasnjór og slydda. Nú er spáð norðanátt með kvöldinu og kólnandi veðri en stormurinn sem spáð var með suðurströndinni nær sennilega ekki á Bakkann.

Úrkoma kl.09 mældist 35mm.
Þennan dag: 1958 mældist mesti hiti sem mælst hefur hér í oktober 15.1°C

28.09.2009 14:36

Hrím og Héla

Nái döggin að frjósa á jörðunni, kallast hún hrím eða héla. það gerðist einmitt í nótt og ökumenn sem fóru snemma af stað þurftu að finna sköfurnar sínar, því kl.8 í morgun var frost -3.7°C.
Í morgunsárið var ís kominn á tjarnir og dælur og virðist vetur vera nærri.

Mesta frost á þessum degi var árið 1995 -5,0°C

14.09.2009 23:08

Silfurgrár er september

LægðagangurMeð súld og brimasöng í dag. Það gekk á með hvössum vindhviðum og skúraleiðingum um hádegið og náði ein hviða stormstyrk, eða yfir 20 m/s, en þessu leiðindaveðri veldur lægð milli Íslands og Grænlands. Önnur lægð er að búa sig undir heimsókn, en hún er nú yfir Nýfundnalandi og ansi myndarleg og með nóg af rigningu.

Á þessum degi: 1957 Plastiðjan H/F tók til starfa á Eyrarbakka.

25.08.2009 22:54

Hlaupinn í rigningar að helgi

Blautt í dagGali haninn óvenju mikið veit það á vætu, stendur einhversstaðar og önnur saga segir að ef einhver leggi hrífuna frá sér þannig að tindarnir standi upp, þá kalli það á regn, en hvort sem þetta er satt eða ekki þá hefur talsvert ringt hér í dag og í kvöld. En helgin lofar góðu segja spár og jafnvel hægt að sóla sig a.m.k. fram á sunnudag.

24.08.2009 21:59

Sumarið kvatt með hvelli.

Vindhraði fór víða yfir 20 metra á sekúndu í dag, t.d. hér á Bakkanum í mestu hviðunum, en hvassast var á Bláfeldi á sunnanverðu Snæfellsnesi, 27,8 metrar á sekúndu og á Fagurhólsmýri mældist vindhraðinn 26,3 m/s.

Hinu frábæra sumri virðist nú lokið fyrir fullt og allt og haustveðrin að taka völdin með gusti og rigningum. Annars fór hitinn upp í 18.1°C í stutta stund í dag og er það skráð dagsmet hjá Briminu, en fyrra dagsmetið er frá 1989 16,3°C

18.08.2009 22:22

1. lægðaremban kominn

11 m/sFyrsta haustlægðin ef svo má segja, er komin og lætur ekki fara mikið fyrir sér hér um slóðir, nema hvað henni fylgir nokkur úrkoma og verður ugglaust forvitnilegt að sjá hvað hefur komið í mæliglasið í Stíghúsi eftir morguntökuna í fyrramálið. En það þarf þó að rigna talsvert mikið til að slá út dagsmetinu frá 1969 sem er 15.9 mm og fremur ósennilegt að það náist. En mesta úrkoma sem mælst hefur á Eyrarbakka í ágúst var 79,2 mm þann 10. 1984 og er það líklegt til að standa enn um sinn.

þennan dag: 1968 féllu kartöflugrös víða.

11.08.2009 21:23

Svöl nótt

Menn hafa eflaust orðið varir dalalæðu í gærkvöldi og að að dögg var á bílum í morgunsárið.
Næst minnsti hiti á landinu var nefnilega hér liðna nótt, en þá féll hitinn niður í 0,9°C. Aðeins var kaldara á Þingvöllum, eða rétt um frostmark. Á meðan vindur er hægur af norðan og bjart yfir um þetta leyti árs, eru jafnan vaxandi líkur á næturfrostum. En það má segja að kuldamet sé fallið fyrir daginn, því lágmarksmetið í mínum bókum er 1,1°C frá 1993. En kaldasta nótt í ágústmánuði var - 1.1 þann 27. 1985 og nú er bara að sjá hvort það standi áfram.

07.08.2009 20:02

Útsynningur

Heldur var minni rigning í dag en í gær. Aðalega súld og sjávarloft. Hitinn á svipuðum nótum. Fyrir veiðimenn er ekki hægt að fá betra veður.

06.08.2009 23:00

Vindur og væta

Í dag gerði töluverða rigningu,en til gamans má geta þess að þennan dag 1993 var úrkoman 56,3 mm ef einhverjum þætti nóg um, en mesta úrkoma sem mælst hefur hér á sólarhring í ágúst er frá árinu 1899 þann 20. með 65.2 mm og sjaldan hefur mælst meira í öðrum mánuðum. Almesta sólarhringsúrkoma sem mælst hefur hér var 107,5 mm þann 6.janúar 1947.

05.08.2009 21:32

Þurkatíð á enda

Hin dæmalausa þurkatíð sem verið hefur á Suðurlandi virðist nú vera að taka enda. Gróður allur sem verið hefur skraufa þurr fær nú einhverja vætu næstu daga. Trjávöxtur hefur verið í lámarki vegna þurka í sumar, en mannfólkið hér sunnanlands og þá einkum á Bakkanum orðið svar brúnt að lit og nær óþekkjanlegt. Getur vart talist um hvíta menn að ræða á þessum slóðum.

Enn eitt dægurmetið var slegið í dag þegar hitin komst upp í 19,4°C og velti úr sessi 17,2 stiga metinu frá 2003.

Á þessum degi:
1965 féllu kartöflugrös á Eyrarbakka

03.08.2009 20:19

Útræna

Hafgolan hélt hitanum niðri í dag við tæpar 15°C, þó galmpandi sól þar til síðdegis er hann dró upp á sig af hafi.Þingvellir voru með mesta og minsta hita í dag (1,4 til 20,9°C). Það var líka svalt á Bakkanum í nótt og féll lágmarksdægurmetið  2,9°C frá 1986 og nýja metið hér frá er 2,8°C.

02.08.2009 20:23

Heitur í dag.

Dægurmet var slegið í dag 18.8°C síðdegis þegar stinningsgolunni sló dálítið niður. Eldra met er frá 1974 18,1°C. En hitametið á landinu í dag átti Skaftafell með 20,7°C. 

31.07.2009 19:36

Heitur dagur

Ekki var met slegið í dag, en þó vel hlýtt 19,1°C þegar best lét. Eyrarbakki og Hella börðust um hitatölurnar annan daginn í röð og höfðu Rángvellingar betur að þessu sinni með 19,7°C.
Dægurmetið á Bakkanum er hinsvegar frá 1980 22,4°C

30.07.2009 15:27

Hella með vinninginn

Eyrarbakki er dottinn í annað sætið með heitasta staðinn, en kl. 14:00 var 18,6°C og hefur bætt um betur frá því í morgun, en Hella skaust frammúr á síðustu metrunum með 18.9°C.

30.07.2009 12:52

Heitast

17.7°C í dagEyrarbakki er heitasti staðurinn á landinu í dag með 17,7°C en sá kaldasti er á Miðdalsheiði 3°C en mesti hiti sem mælst hefur  30.júlí á Eyrarbakka 1957 til 2008 var í fyrrasumar 27.5°C

Flettingar í dag: 438
Gestir í dag: 43
Flettingar í gær: 612
Gestir í gær: 76
Samtals flettingar: 2483757
Samtals gestir: 275520
Tölur uppfærðar: 25.2.2020 21:20:22


Sjólag og horfur

 

 
 
 Ölduspá 24. 2. 2020



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

                           Smellid á myndina fyrir frekari upplýsingar

Eldra efni

Tenglar


Icelandic surf

Veðurgögn Eyrarbakki

5 daga yfirlit