Brim á Bakkanum

brimið þvær hin skreypu sker

Færslur: 2006 Febrúar

23.02.2006 12:53

Verstöðin þagnar

Frystihúsið er nú til Sölu Ísfold, áður Bakkafiskur og þar áður Hraðfrystistöð Eyrarbakka. Í frystihúsinu var nú líf og fjör í den! eða allt frá því árið 1944. Fiskilyktin, amoniakbrælan og suðið í frystivélunum var eðlilegur þáttur í umhverfi Eyrbekkinga á árunum áður að ógleymdum máfunum sem settu stóran svip á umhverfið með hringflugi og gargi. Nú er öldin önnur, fiskilyktin og máfarnir löngu horfnir og yfir þessari verstöð ríkir nú þögnin ein. Kanski verður þessum byggingum breytt í íbúðir eins og Kaupfélagshúsinu eða við tökum upp Stokkseyrískan sið og þarna verði sett upp menningarsetur ósýnileikanns af einhverju húsdýravinafélagi í líkingu við Hrútavinafélagið. 

22.02.2006 08:00

Jöklar bráðna.

Jöklar Grænlands bráðna mun hraðar en vísindamenn bjuggust við. Tveir stærstu skriðjöklar á Austur-Grænlandi hafa tvöfaldað skriðhraða sinn á síðustu tveimur árum og skríða nú fram um fjórtán kílómetra á ári, samkvæmt nýlegri enskri rannsókn.

 

Ísmagnið sem streymir út í sjóinn við Grænland hefur meira en tvöfaldast á tíu árum vegna þess að jöklarnir skríða hraðar fram í sjó. Meginástæðan er hlýnandi veðurfar að mati vísindamanna sem óttast að bráðnun jökla samfara hækkun sjávarmáls verði enn hraðari en spáð hefur verið. Jökulbreiðan á Grænlandi er alls um ein komma sjö milljónir ferkílómetra og allt að þriggja kílómetra þykk. Ef allur sá jökull bráðnar má gera ráð fyrir að yfirborð sjávar hækki um sjö metra alls staðar í heiminum.

 

Samkvæmt því yrði sjávarborð á Árborgarsvæðinu sennilega upp við Ölfusárbrú og Flóinn fengi nafn með rentu!

17.02.2006 10:00

Keisaranns gjald!

Þessa dagana hafa álagningaseðlar fasteignagjalda í Árborg verið að detta inn um bréfalúguna og fólk hefur eflaust tekið eftir því að gjöldin hafa hækkað mikið frá síðasta ári. Men muna líka eftir því að á síðasta ári hækkuðu fasteignagjöld í Árborg umtalsvert.

 

Fasteignagjöld taka mið að markaðsvirði húseigna og svo vill til að markaðsverð hefur stigið töluvert á síðustu tveim árum. Til viðbótar hafa svo ýmis þjónustugjöld hækkað.

 

Bæjarstjórn Árborgar væri í lófa lagið að taka þessi markaðsáhrif á fasteignagjöldin úr sambandi, en til þess er greinilega ekki vilji.

 

Svo er spurning hvort eitthvað réttlæti sé í því að fasteignagjöld taki mið af markaðsvirði fremur en t.d. byggingavísitölu. Það er fyrst og fremst pólitísk ákvörðun að velja viðmið.

 

Það er hinsvegar alveg dagljóst að ungt fólk sem er að kaupa íbúð mynda ekki eignahlut í fasteigninni fyrstu árin og því má segja að íbúðalánasjóður og bankastofnanir séu hinir raunverulegu eigendur og ættu því að leggja út fyrir fasteignagjöldunum miðað við eignahlut, ef sanngjarnt ætti að teljast.

 

Ég hef heyrt þau rök að íbúðareigendur séu að hagnast á hækkuðu markaðsvirði fasteigna ef það selur og er því að höndla með fé sem rétt sé að skattleggja miðað við verðmæti. Þessi rök hljóma eins og tóm tunna, því allir þurfa þak yfir höfuðið og ef Jón og Gunna ákveða að selja þá þurfa þau annaðhvort að kaupa, byggja eða leigja svo sjaldnast myndast raunverulegur hagnaður, nema Jón og Gunna kjósi að búa í tjaldi þar til fasteignaverð lækkar aftur, ef það þá lækkar einhverntíman!

 

Ef núverandi bæjarstjórnarmeirihluti hefur ekki áhuga á að milda þennann skatt sem er óumdeilanlega mjög íþýngjandi fyrir íbúana og heldur þeim í þrengingum sem kemur í staðinn örugglega einhverstaðar niður á efnahagshjólinu, t.d. í verslun, viðskiptum og þjónustu. Þá er tæpast annað að gera en að senda bæjarstjórnarmeirihlutann heim í vor.

 

16.02.2006 09:54

Fuglaflensan breiðist út!

Um 142 milljónir manna gætu dáið úr fuglaflensu í heiminum ef að hún mun breytast í alvarlegan inflúensufaraldur, en þetta kemur fram í nýrri rannsókn á mögulegum afleiðingum flensunnar. Flensan hefur nú borist til 11 evrópulanda. Yfir 200 dauðir svanir sem fundust í danmörku eru nú til ransóknar. Talið er að fuglarnir hafi smitast af H5N1 veirunni sem getur smitast í menn.

Jón Kristjánsson, heilbrigðisráðherra, hefur ákveðið  að veita aðeins 56 milljón króna aukafjárveitingu til þessa málaflokks. En til að mynda þarf minnst 700 miljónir kr. til að geta hafið framleiðslu á bóluefni hér á landi en yfirvöld hafa ákveðið að gera það ekki.

Lauri Oinonen fulltrúi Finna í Norðurlandaráði hefur lagt fram fulltrúatillögu um að ríkisstjórnir Norðurlandanna grípi til nýrra aðgerða til að koma í veg fyrir útbreiðslu H5N1 fuglaflensunnar. Á fundi þann 16. desember ræddu heilbrigðisráðherrar Norðurlanda um að setja á stofn sameiginlega norræna verksmiðju til að framleiða bóluefni gegn fuglaflensu.

Sjá: http://www.doktor.is/themaflokkar/fuglaflensa/fuglaflensa.asp

http://www3.heilbrigdisraduneyti.is/media/frettir/SHN_4_2005.pdf 

Viðbúnaðaráætlun!  Norænar fréttir

13.02.2006 12:36

Eyrarbakki

Eyrarbakki

Þetta verk var keypt árið 1989 af Lista- og menningarsjóði Seltjarnarness.

Verkið heitir Eyrarbakki og er eftir Magnús Tómasson (f. 1943) er helst þekktur í dag fyrir að vera einn af stofnendum SÚM-hópsins, fyrir ljóðræna skúlptúra úr óhefðbundnum efnum, svo og fyrir öflug útilistaverk.  þessi mynd Eyrarbakki, gerð 1963, þegar Magnús var að hefja listnám í Kaupmannahöfn, rétt tvítugur að aldri. Í meðferð myndefnisins gætir áhrifa frá íslensku módernistunum, t.d. Gunnlaugs Schevings og Þorvaldar Skúlasonar, sér í lagi í bátnum sem er einfaldaður og séður ofan frá, að kúbískum hætti. Aftur á móti minnir mynduppbyggingin, gerð úr heilum, einföldum flötum og litanotkunin fremur á verk Nínu Tryggvadóttur frá sama tíma. Hér er um að ræða fallegt verk frá upphafi ferils listamannsins, þegar hann var enn nátengdur íslensku myndefni og listasögu, áður en hann varð einn af helstu merkisberum alþjóðlegra strauma hér á landi.

Heimild: Seltjarnarnesbær http://www.seltjarnarnes.is/

13.02.2006 09:58

Jörðin hitnar!

Meðalhitastig jarðarinnar hækkaði í fyrra og mældist það vera næsthæsta meðalhitastig jarðar í yfir 100 ár. Þykir þetta benda til þess að jörðin sé að hitna af völdum gróðurhúsalofttegunda, en veðurstofa Japans greindi frá þessu fyrir skemmstu. Hitastig jarðarinnar var 0,32 gráðum á Celsíus hærra heldur en meðalhitastig áranna 1971 - 2000, segir í yfirlýsingu frá Japönsku veðurstofunni.

Á síðari hluta 20. aldar var hlýnun á norðurhveli jarðar meiri en verið hefur í 1.200 ár, samkvæmt niðurstöðum rannsóknar sem birtar eru í vísindaritinu Science. Styðja þær vísbendingar um hlýnun andrúmsloftsins af völdum gróðurhúsaáhrifa. Höfundar rannsóknarinnar könnuðu breytingar á steingervingum, trjáhringjum, borkjörnum og fleiri hlutum sem veitt geta vísbendingar um loftslag fyrr á tímum. Vísindamennirnir glugguðu ennfremur í dagbækur fólks frá undanförnum 750 árum. Frá þessu greinir fréttavefur breska ríkisútvarpsins, BBC. Það voru tveir vísindamenn við University of East Anglia í Bretlandi sem gerðu rannsóknina. Þeir könnuðu hitamælingar frá 1856 til dagsins í dag til að ákvarða lengd hlýskeiðsins undanfarið. Síðan báru þeir þær upplýsingar saman við gögn allt aftur til ársins 800. Niðurstöðurnar staðfestu umtalsvert hlýskeið á norðurhveli á árunum 890-1170 (svonefnt Miðaldahlýskeið) og kuldaskeið frá 1580-1850 (svonefnd Litla ísöld). Niðurstöðurnar staðfesta ennfremur að núverandi hlýskeið er víðtækasta hitastigsfrávik sem vart hefur orðið síðan á níundu öld.  

06.02.2006 07:37

Pottþétt veiðisumar!

Leinivopn stangveiðimannsinns er ný uppfinning. Sem sagt útfjólublátt ljós sem laðar fiskinn að önglinum eins og mý að mykjuskán, að því er uppfinningamaðurinn fullyrðir. Um er að ræða sjálflýsandi títaníum-díoxín sem selt er á brúsa og má úða á öngul eða beitu sem þá lýsir eins og diskókúla ofan í vatni.

 Maðurinn sem fann þetta upp heitir Milan Jecle og er læknir í Spokane í Bandaríkjunum. Helstu áhugamál hans eru efnafræði og stangveiðar og tókst honum þarna að sameina áhugamálin sín í eitt. Þessa nýju tegund af "agni" kallar hann "Fool-a-Fish"

 

www.foolafish.com    

 

  • 1
Flettingar í dag: 53
Gestir í dag: 22
Flettingar í gær: 255
Gestir í gær: 39
Samtals flettingar: 2148530
Samtals gestir: 232753
Tölur uppfærðar: 17.12.2017 05:50:19

Veðrið á Bakkanum í dag

Tilkynningar

Brimið á Bakkanum er líka á feacebook

Valið efni af þessari síðu er einig að finna á http://eyrarbakkinews.blogspot.is/  
eða notið google leitarvél til að finna heimildir af síðunni- Dæmi: Brim á Bakkanum Jón Jónsson,
       

Brimið á Bakkanum

Farsími:

8621944

Staðsetning:

Eyrarbakki

Veðurhnöttur IR

IR veðurhnöttur/smellið til að stækka

Eyrarbakkavegur: Umferð


<60 60-70 70-80 80-100 100-110 110-120 >120

km/hour-km/klst

Öldufar

Öldukort fyrir N Atlantshaf

Ís og snjór

Ís og Snjór frá NOOA

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

Smellið á myndina til að 

fá sjávarhæð í rauntíma.

Eldra efni

Tenglar

Stormglugginn

Meteoalarm click here


Meteoalarm.