Brim á Bakkanum
brimið þvær hin skreypu sker


F U L L T T U N G L

atburður liðinn í

1 dag

ALMANAKIÐ

A P R Í L  M Á N I N N

          
 Fyrsta kvartil  1 Apríl 2020  
 Fullt tungl  7 Apríl 2020  
 Síðara kvartil  14 Apríl 2020
 Nýtt tungl
 Fyrsta kvartil
22
30
Apríl
Apríl
2020
2020
Vormáni 


  


Flokkur: Veðrið

21.02.2007 15:50

Ekki er enn komið vor í Árborg.

það snjóar á frændur vora dani þessa dagana og nú liggja þeir í því með tilheyrandi vandræðum á vegunum. Slóðar frá þessu sama skýjadragi eru nú yfir Fróni og gæti kastast eitthvað hvítt úr þeim öðru hvoru. Það eru stöðugar Austan og Norðaustanáttir í kortunum út þessa viku eins og verið hefur og með heldur kaldranalegu veðri.En vort fátæka Bæjarfélag getur þó hrósað happi að vera laus við snjómoksturinn í bili og því undarlegra hljómar það að samkvæmt opinberum fréttum kjósi bæjarstjórn Árborgar að fagna egi komandi vori í Árborg með virktum eins og áður.

24.01.2007 13:08

Þorraþýða.

Tíðin.

Vestlægar áttir með þýðviðri og að mestu þurt. Snjó hefur að miklu leiti tekið upp í hlýindunum og væntanlega mun hann verða að mestu horfinn í viku lokinn en spáð er áframhaldandi hlýindum fram yfir helgi.

Gera má ráð fyrir að þorrablótsgestir vökni jafnt utan sem innan á leið frá veisluhöldum um næstu helgi því búist er við strekkings sunnanátt með einhverjum regndembum.

19.01.2007 11:51

Á Bóndadegi.

Veðráttan hér á Bakka er eins og um allt land um þessar mundir með norðan garra og kulda trekk. En eftir helgi horfir til breytinga á þessu jökulskeiði og megi  þá jöklar bráðna og ísa leysa því spáð er hlánandi og allt að því rigningu segja spámennirnir á veðurstofu okkar landsmanna.

 

 Utan úr heimi berast þær fregnir frá Germönum að allt sé þar nú í handaskolum vegna óvenju djúprar lægðar og mannskaðaveðurs sem þar gekk yfir í gær og setti allt úr skorðum þar í landi. Vindhraðinn í veðri þessu náði yfir 200 km/klst sem er svo gott sem fellibylsstyrkleiki. Nú eru veðurstúderar í Evrópu farnir að gefa stormlægðum nafn eins og gefið er fellibyljum og er það til mikkillar hagræðingar þegar menn tala um veðrið og mættu íslenskir veðurdellukallar koma sér upp svona nafnakerfi til hagsbóta við söguskýringar og umræðu um veðrið.Það mætti t.d. nota nöfn úr goðafræðinni til þess brúks og gæti gert veðurumræður mun skemtilegri.

17.01.2007 21:22

Veðráttan.

Tíðin hefur verið afleit og kaldsöm að undanförnu, frost talsverð og skafrenningur.Tvö snjóruðningstæki eru nú daglega að störfum á Bakkanum og virðist ekki duga til því heimreiðin hér á bæ er enn órudd og ófær með öllu. Spurningin er hvort Þorrin verði jafn harður í horn að taka og þessar fyrstu vikur janúar mánaðar.

 

Nú fer að harðna í ári hjá smáfuglunum þó þeir séu nú enn feitir og pattaralegir eftir hlýindin fyrripart vetrar.

15.01.2007 10:58

Vetur.

Helgin var stormasöm hjá frændum vorum í Danmörku,Svíþjóð og Noregi, þegar djúp lægð ruddist yfir Skandinavíu með þeim afleiðingum að brýr lokuðust, tré rifnuðu upp með rótum og skapaði umferðaröngþveiti.

 

Á Bakkanum hefur snjóað talsvert og skafið í skafla. Mest af snjónum hefur þó skafið í sjó fram en meiri snjór hefur fallið nú en gerði á sama tíma í fyrra. Í dag er mesta frost til þessa á árinu -10°C á Eyrarbakka. Það er athyglisvert að það er 2-3 gráðum kaldara á Bakkanum en upp í Þrengslum eða Hellisheiði en ástæðan er sú að í hægviðri eins og nú er þá sígur kaldasta loftið ofan af fjöllunum niður undir sjó vegna eðlisþyngdar sinnar.

13.01.2007 23:49

Snjóar og snjóar.

Nú er allt að færast á kaf í snjó, því ekkert lát hefur verið á snjókomunni í kvöld og stöðugum snjóéljum undanfarna daga sem  nú skefur í skafla. Ef einhver hefur verið að panta snjó þá er þetta nú orðið meira en nóg!

10.01.2007 12:31

Snjóadrífur.

Talsvert hefur snjóað á Bakkanum sem og víðar í nótt og í morgun og er á að giska 10 cm jafnfallinn púðursnjór yfir öllu. Áfram er búist við snjóéljum á suðurlanndi og að heldur bæti í vind með skafrenningi þegar líður á daginn og getur færð spillst af þeim sökum.

 

Veðurspámenn hafa verið að gera úr því skóna að vænta megi kuldatíðar fram í mars, en hvort sem það reynist rétt þá hefur veðurfarið augljóslega skipt um gír frá því sem var fyrri hluta vetrar. En það væri kanski að bera í bakkafullan lækinn að tala um hlýnun í þessu sambandi en mögulega má ætla að veturinn sé nú fyrst að ganga í garð 2 til 3 mánuðum á eftir áætlun sökum loftlagsbreytinga. Dæmi þessu til marks má nefna að Skógarbirnirnir í Kolmården dýragarðinum í Svíþjóð lögðust í híði í dag, tveimur mánuðum síðar en venjulega. Skógarbirnirnir vakna af vetrardvalanum að öllu venju í apríl ár hvert svo segja má að þeir fá sér bara hænublund að þessu sinni.

07.01.2007 21:02

Mjallhvítur Bakki!

Fyrsti snjór ársinns er féll á  Bakkanum á Þorláksmessu og er jafnvel útlit fyrir meiri snjó síðar í vikunni og áfram kalt í veðri. Þá harnar í ári hjá spörfuglunum sem ekki hafa þurft að kvarta fram að þessu en eru nú teknir að hópast saman og koma sér fyrir á húsþökum í von að einhver kasti fyrir þá brauðmylsnu.

24.12.2006 10:35

Gleðileg rauð jól

Líklega eru hin hlýjustu jól á þessari öld um það bil að ganga í garð. Hitinn á Eyrarbakka er nú á bilinu 8-9°C en hlýjast á landinu að mogni aðfangadags er líklega á Akureyri hvorki meira né minna en 11°C eða eins og góður dagur í júní. En jólin verða líklega einhver þau blautustu því mikið hefur rignt um mest allt land. Eithvað mun þó kólna þegar líður á kvöldið segja veðurspár.

Svo vil ég óska öllum gleðilegra jóla í bloggheimum.

 

21.12.2006 12:37

Flóð í beinni!

Ölfusá í hamÖlfusá er í miklum ham þessa stundina! mbl.is var í dag með vefmyndavél við Ölfusárbrú þar sem sjá mátti ána belgja sig út yfir árbakkann.

http://www.mbl.is/mm/frettir/frett.html?nid=1243009    Sjá myndir arborg.is
Nú er versnandi veður og gengur á með hvössum éljum í Flóanum.

 

 

21.12.2006 09:32

Þrumuveður.

Þrumuveður er nú úti með suðurströndinni og getur það hæglega borist inn á landið.

Annars hljóðar veðurspáin fyrir suðurland frá Veðurstofu Íslands svo: Vaxandi suðvestanátt og él, 18-23 m/s síðdegis. Kólnandi, hiti nálægt frostmarki í kvöld. Mun hægari og úrkomulítið á morgun, en allhvöss suðaustanátt með rigningu eða slyddu síðdegis.

Skilyrði til sjávarflóða með suðurströndinni eru að nokkru fyrir hendi en þar sem loftþrýstingur fer hækkandi síðar í dag, eru líkurnar á sjávarflóðum minkandi. Stórstreymt er og verður háflóð um kl. 19:00 í kvöld með öldu hæð á bilinu 10-13 metrar úti á rúmsjó.


Ölfusá flæðir yfir bakka sína við Nóatún á Selfossi og er enn í vexti.

http://www.logreglan.is/embaettin.asp?cat_id=38

20.12.2006 12:46

Flóðahætta á Selfossi.

það hefur mikið rignt undanfarna daga og leysingar eru nú í hámarki, hitinn er 9°C sem er nánast eins og meðalhiti í júní mánuði. þetta veldur gífurlegum vatnavöxtum í ám á Suðurlandi og er Ölfusá að verða bakkafull við Selfoss og meiri vatnselgur á leiðinni ofan af hálendinu. liklegt er talið að Hvítá flæði við Hestfjall siðar í dag og ekki er útilokað að flætt geti við Brúnastaði.

 

Það getur aukið á vandann að nú er stórstreymt sem þýðir að Ölfusárós fyllist og getur það valdið vandræðum í Ölfusinu og á Óseyrarnesi en þar er að auki vaxandi brim og vindátt óhagstæð. Versnandi veður getur einnig valdið talsverðu sand og særoki á þeim slóðum.

 

Á morgun er spáð allt að 13 metra ölduhæð í Eyrarbakkabaug og er vissara að vera vel á verði gagnvart sjávarflóðum við Ölfusárósa, en háflóð er um kl 7:00 að morgni og 20:00 að kvöldi. Þetta sjólag mun heldur ekki hjálpa mönnum sem vinna við strandstað Wilson Muuga í Sandgerði.

 

http://www.almannavarnir.is/  http://www.logreglan.is/embaettin.asp?cat_id=38

19.12.2006 17:28

Jólaveðrið

Veðurstofan er búin að gefa út veðurútlitið yfir jólin en það sem eftir er vikunar megum við berja vindinn og regnið í andlitið. Á Þorláksmessu fáum við svo storm í fangið þegar við berum út jólakort og gjafir. Aumingja jólasveinninn hann Ketkrókur, hann fær sko það óþvegið frá veðurguðunum þegar hann arkar um bæinn á móti skötulyktinni í leit að góðum kjötbita. Heldur mun viðra betur á Kertasníki en ansi verður blautt á sveinka samkvæmt spám veðurstofunar og er ég ansi hræddur um að illa logi á kertunum.

www.vedur.is/vedrid/naestu_dagar.html

17.12.2006 23:26

Verða jólin rauð?

Eftir að hafa gluggað nokkuð í veðurspár, innlendar sem erlendar þá lítur helst út fyrir að jólin verði rauð, að minnsta kosti hér sunnanlands. Svo þessi litli snjór sem við fengum til viðbótar í morgun verður hlýndunum að bráð frá og með morgundeginum.

Þegar enginn snjór er á jólum, hversvegna eru þau þá sögð rauð? Hvað er þetta rauða? Er það kanski rauði liturinn á búningi jólasveinsinns?

 

15.12.2006 08:57

Marrandi frost.

Um þessar mundir er kalt og frostið herðir allt, kl.06 í morgun var -12.8°C á Eyrarbakka en kaldast á landinu í morgun var -17°C í Þykkvabæ. Ekki er gert ráð fyrir hlýnandi veðri fyrr en á sunnudag en þá er líklegt að veðrið skipti um gír með úrkomu fram eftir næstu viku. Sólin er nú orðin það lágt á lofti að hún nær ekki að verma hörund og því betra að klæða sig vel.

 

 

 

Einar Veðurbloggari skýrir þetta kuldafyrirbæri vel á heimasíðu sinni.

Flettingar í dag: 196
Gestir í dag: 81
Flettingar í gær: 159
Gestir í gær: 73
Samtals flettingar: 2507636
Samtals gestir: 279742
Tölur uppfærðar: 8.4.2020 18:24:18


Sjólag og horfur

 

6-7 apríl 2020
 
 
 Ölduspá 6-7. 4. 2020



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

                           Smellid á myndina fyrir frekari upplýsingar

Eldra efni

Tenglar


Icelandic surf

Veðurgögn Eyrarbakki

5 daga yfirlit