Brim á Bakkanum
brimið þvær hin skreypu sker


F U L L T T U N G L

eftir

12 daga

ALMANAKIÐ

F E B R Ú A R  M Á N I N N

          
 Fyrsta kvartil  1 Febrúar  2020  
 Fullt tungl  9 Febrúar  2020 Þorra tungl 
 Síðara kvartil  15 Febrúar  2020  
 Nýtt tungl  22 Febrúar  2020  Góa
  


Flokkur: Veðrið

18.01.2010 00:03

Dagsmet í úrkomu.

Óskaplega hefur ringt hér síðasta sólarhring og kemur því ekki á óvart að upp úr mælidalli veðurathugunarmannsins hafi komið töluvert vatnsmagn í morgun, en þá mældist 43 mm og telst það met fyrir þennan dag mánaðarins.Áður hafði mælst 25,0 mm þennan dag 2004 og 27,1 árið 1892. En met mánaðarins er hinsvegar mun meira, eða 107,5 þann 6. janúar árið 1947. En ef er talið frá árinu 1957 þegar mælingar voru öruggari og ábyggilegri þá hefur aldrei ringt viðlíka í janúar á einum sólarhring og á þeim síðasta.

Þennan dag 1991 gaus Hekla.

16.01.2010 23:19

Vindur og væta

Komandi vika mun vera vinda og vætusöm á Suðurlandi samkvæmt spám. Mun hann leggjast í sunnan og suðaustanáttir framan af vikunni með skúrum og rigningu. Heldur tekur að hvessa á þriðjudag og stendur á stíf SA næstu daga. Hvassast samkvæmt venju undir Eyjafjöllum, einkum á fimmtudag. Það horfir því til bleytutíðar á Bakkanum með hvössum rokum öðru hvoru út vikuna en að öðru leiti mildu veðri. Í dag afa verið hér töluverðar rigningadembur en ágætlega hlýtt miðað við árstíma.

09.01.2010 14:18

Hlýindi

Ísrek og brim á BakkanumSamfelldum frostakafla frá því fyrir jól er nú lokið og kominn 6 stiga hiti með suðlægum áttum og súld. Jörð er nú alauð og brimið svarrar útifyrir. Kuldaboli leikur hinsvegar enn um norðurlönd og var t.d. -40,5°C í norður Noregi á dögunum og hefur aldrei áður mælst þvílíkt frost á þeim slóðum.

Mesti hiti sem mælst hefur á Eyrarbakka á þessum degi var 7,8°C 1973. Hlýjasti janúardagur var þann 12. 1985 þegar mældist 8,5°C.

Á þessum degi: 1799 Aldamótaflóðið mikla eða Básendaflóðið svokallaða. 1990 Stormflóðið, en þá gekk mikill sjór inn á suðurströndina í kjölfar ofsaveðurs sem þá gekk yfir landið og urðu þorpin Eyrarbakki og Stokkseyri verst úti í þessum hamförum veðurofsans þegar ein dýpsta lægð sem mælst hefur á síðustu áratugum rann upp að suðurströndinni. Þá má geta þess að á háflóði 10 janúar árið 2000 gekk mikið sjóveður yfir á Eyrarbakka og Stokkseyri.

02.01.2010 23:47

Kuldakast

Veðurstofan spáir miklum kulda á þriðjudaginn, eða allt að -16°C hér við stöndina og allt að -19°C í uppsveitum. Hugsanlegt er að dagsmet falli fyrir þriðjudaginn 5. janúar, en þann dag hefur mælst hér mesta frost -16,1°C árið 1993. Ekki er von að hlýna fari í veðri fyrr um næstu helgi. Mesta frost á Eyrarbakka í janúar var þann 30. árið 1971 þegar mældist -19,7 °C
Veðursíða

Þennan dag:1966 K.Á yfirtekur matvörubúð Hraðfrystihússins.

30.12.2009 22:32

Mesta frost vetrarins

Frá Kristjánssandi í NoregiTöluvert frost hefur verið hér í dag og hvað mest í kvöld -16.6°C sem er dagsmet.
Eldra dagsmet var -14,4°C þennan dag 1961. Desembermetið er hinsvegar -19,8°C þann 13 dag mánaðarins frá árinu 1964. Eflaust verða margir til að spyrja hvað orðið hefur um gróðurhúsaáhrifin og loftslagsbreytingarnar, því svipaðar frosthörkur ganga nú yfir norðurlöndin og víðar, t.d. er núna -17°C í Kristianssand í Noregi og -15°C í Nyköping í Svíþjóð, en búist er við meiri frosthörkum þar um slóðir næstu daga. En kanski er merkilegt að aðeins skuli vera - 5° frost á Svalbarða á sama tíma og vetrarhörkur eru hér töluvert sunnar.

En hjá okkur er spáð björtu áramótaveðri N 5 m/s og -2°C

01.12.2009 12:02

Skafrenningur

SkafrenningurNokkurn skafrenning gerði í þorpinu í nótt og voru flestar götur orðnar þungfærar í morgunsárið. Búast má við áframhaldandi skafrenningi fram eftir morgundeginum og líklegt að heldur bæti í, meðan einhver snjór er eftir á mýrunum.

Á þessum degi 1993  var U.M.F.E. endurreist.

29.11.2009 22:13

Jólalegt á aðventu

Talsverða snjóhríð gerði í dag og skóf í skafla þar til síðdegis að veðrinu slotaði. Aðalbrautir voru ruddar, en eitthvað var um að bílstjórar lentu í vandræðum á þvergötum. Þorpið er óðum að færast í jólabúning þessa daganna og ekki skemmir að hafa snjó á aðventunni.

07.11.2009 23:00

Fallegt veður

Ölfusárós
Það var æði fallegt veðrið í dag eins og sést á þessum myndum sem teknar voru við Ölfusárósa. Skýið á myndinni sem lítur út eins og geimskip er þó hvorki ský né geimskip, heldur gufustrókur frá Hellisheiðarvirkjun.
Óseyrarbrú
Óseyrarbrúin tengir ströndina við Þorlákshöfn og höfuðborgarsvæðið. Um hana fer töluverður fjöldi bíla á hverjum degi.
Við Ölfusárósa
Í dag var dægurmet í hita á Bakkanum þegar hitinn náði um stutta stund í 10.6°C, en áður hefur verið mest 10°C á þessum degi, en það var árið 2003. það vantaði aðeins 0,1°C til að jafna mánaðarmetið frá 6.10.1995.

31.10.2009 16:23

Mildur oktober

Mánuðurinn var yfir höfuð mildur þetta árið. Það hvítnaði í fjöll í byrjun mánaðarins, svo féll fyrsti snjórinn hér þann 5. Þá gerði storm þann 9 þ.m. og var vindur mestur um 21m/s, þó voru hviður all öflugar en tjón lítilsháttar. Vætusamt nokkuð og hlýindi töluverð er leið á. Þann 29. var dægurmet í hita og einnig þann 30. en þá fór hitinn hæst í 11.5°C, Eldra met 10°C var frá 1991. Metið fyrir daginn í dag 10,6 er einnig frá árinu 1991 og stendur enn. Árið 1996 var mikill snjór í þorpinu um þessi mánaðarmót og allt kol ófært. Nú sést enginn snjór í nálægum fjöllum.

12.10.2009 23:23

Stígvéladagar

Vætutíð um miðja vikunaÍ eina tíð gengu allir ungir sem gamlir í stígvélum af ýmsum gerðum og þóttu sum meira töff en önnur. Sumir höfðu jafnvel þann sið að brjóta þau niður og þótti það algjört möst, eins og sagt er í dag. Nú er það sjaldséðara að fólk gangi í öðru en skóm hvernig sem viðrar. Vikan framundan gefur þó vel tilefni til að draga stígvél á fót því von er á vinda og vætu tíð.

08.10.2009 22:12

Stormur í aðsígi

Veðurkort Google
Blési vindur ákaft af hafi, var það til forna kallað Stormur, en táknaði síðan vindhraða frá 8-9 vindstig nú vindhraða yfir 20 m/s. Einhverntíman töldu menn að titrandi stjörnur boðuðu storm, Nú tala menn um að það sé stormur í kortunum og svo er nú loftvogin eða barometerinn tekinn að falla, en á hana treystu skipstjórar fyrri tíma til að vara við stormi.
Föstudagsspá um hádegi
Samkvæmt þessu ætti ekki að verða neitt aftakaveður hjá okkur á morgun, en öllu verra á höfuðborgarsvæðinu og á fjallinu. Ráðlegast að halda sig innan græna svæðisins.

Á þessum degi: 1966. Borað eftir köldu vatni í Kaldaðarnesi. 1996 Stórbrim

06.10.2009 22:02

Bakkinn mjallhvítur

MODIS
Á þessari veðurtunglamynd frá MODIS má sjá hvernig veðraskilin lágu eftir snjókomuna liðna nótt. Þannig er Bakkinn mjallhvítur hulinn 20 cm snjólagi en ofantil við Tjarnarbyggð er marautt. Um 1°kaldara var innan snjólagsins en t.d. í Tjarnarbyggð. Selfyssingar ráku upp stór augu þegar strandabúar óku um bæinn með snjóhlaða á bílum, en þar hafði ekki fallið eitt snjókorn í nótt.

05.10.2009 23:11

Fyrsti snjórinn fellur

1. Snjórinn
Fyrstu snjókornin féllu á Bakkan í kvöld og er nú komin þó nokkur föl eins og myndin ber með sér. Fyrstu snjóar á bakkanum eru oftlega í oktobermánuði. Árið 2007 kom fyrsti snjór vetrarins 28.oktober en í fyrra 2.oktober. Árið 2006 féll fyrsti snjórinn hinsvegar ekki fyrr en 8.nóvember. Fysti snjór er venjulega fljótur að hverfa við ströndina. þessi snjór gæti verið að mestu horfinn annað kvöld, en svo kemur meira.

04.10.2009 22:16

Hiti í 8 tíma

-6,9Hitatölurnar fara stig lækkandi þessa daganna og var hitastigið fyrir ofan frostmark í aðeins 8 tíma yfir hádaginn og komst mest í tæpar 5°C. Liðna nótt fór frost hinsvegar í tæpar -7°C. Það má því með sanni segja að nú sé kominn vetur, enda má búast við að öll úrkoma sem fellur eftir sólsetur næstu daga verði í hvítu formi og allt eins líklegt að fyrstu snjókornin falli á Bakkan aðra nótt. Það væri svo eftir öðru ef komandi vetur yrði jafn þungur í skauti og efnahagur þessa lands ætlar að verða.

Í dag er tunglið fullt.

03.10.2009 17:58

Fjöllin klæðast hvítu.

Breyðamýri í forgrunni
Fallegur dagur, bjartur og fjöllin skarta hvítum kufli.
þennann dag: 1968 Heybruni mikill á Litla-Hrauni þegar hlaða sem þar var brann.1976 var mesti hiti fyrir þennan dag 14°C, en mesta frost 1986 -7,3°C

Flettingar í dag: 68
Gestir í dag: 15
Flettingar í gær: 458
Gestir í gær: 44
Samtals flettingar: 2483845
Samtals gestir: 275536
Tölur uppfærðar: 26.2.2020 04:27:15


Sjólag og horfur

 

 
 
 Ölduspá 24. 2. 2020



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

                           Smellid á myndina fyrir frekari upplýsingar

Eldra efni

Tenglar


Icelandic surf

Veðurgögn Eyrarbakki

5 daga yfirlit