Brim á Bakkanum

brimið þvær hin skreypu sker

Tilkynningar

Brimið á Bakkanum er líka á feacebook

Valið efni af þessari síðu er einig að finna á http://eyrarbakkinews.blogspot.is/  
eða notið google leitarvél til að finna heimildir af síðunni- Dæmi: Brim á Bakkanum Jón Jónsson,
       

Færslur: 2011 Ágúst

28.08.2011 23:12

Fregnir af ferðum Irenar

Spá um ferðir Irenu
Irene er nú 975 mb. hitabeltisstormur (POST-TROPICAL CYCLONE ) og veikist, en að sama skapi breiðir stormurinn sig yfir stærra svæði. Vindhraði er um 24 m/s. Stormurinn mun fara yfir Kanada í nótt og á morgun.  Stormurinn mun síðan taka stefnu á Íslands strendur og munu áhrifa Irenu fara að gæta víðsvegar um land á fimtudag með austan strekkingi. Gert er ráð fyrir að stormurinn muni síðan þrengja sér inn á Grænlandssund með vindhraða um 21m/s. Hinsvegar bendir allt til þess að besta veðrið verði á Bakkanum á meðan íslandsheimsókn Irene stendur, en að öllum líkindum mun brima talsvert hér við ströndina í kjölfarið.

27.08.2011 23:47

Áhrifa Irene mun gæta sunnanlands

Gert er ráð fyrir að fellibylurinn IRINE sem nú hrellir íbúa á vesturströnd bandaríkjanna muni leggja leið sína norður á bógin eins og kortið hér til hliðar sýnir. Áhrifa hennar fer að gæta hér við land upp undir næstu helgi en mun standa stutt. Irine mun því verða fyrsta haustlægðin með strekkings austanátt víða um sunnanvert landið, einkum við fjöll. Lægðin mun væntanlega draga með sér talsverða úrkomu á suðausturlandið. Á Bakkanum verður að öllum líkindum skaplegasta veður, vart meira en 6 m/s þó hvasst verði í nærliggjandi sveitum.

Irene er nú 1. stigs fellibylur á norðaustuleið með ströndum Carolínu fylkis.

27.08.2011 11:19

Næturfrost á Bakkanum

Hitastig komst undir frostmark liðna nótt samkv. sjálfvirku veðurstöðinni á Eyrarbakka og stóð í um fjórar klukkustundir frá því um kl.3. Mest var frostið -1,6°C um kl. 6, en kl. 8 var orðið frostlaust. Ekki hefur frést af föllnum kartöflugrösum.

24.08.2011 23:06

Aflabrögð 1956

ÆgirVertíðina 1956 reru fjórir bátar af Bakkanum, Jóhann Þorkellsson ÁR 24, Helgi ÁR 10, Ægir ÁR 183, og einn bátur til. Þeir öfluðu samtals 934 lestir fisks (1.208 lestir) í 194 róðrum. Lifrarfengur var 78.235 litr., en 112 Þús. litr. árið áður. Mb. Jóhann Þorkelsson var aflahæstur með 253 lestir fisks í 49 sjóferðum. Skipstjóri á Jóhanni Þorkelssyni var Bjarni Jóhannsson. Vertíðin hófst ekki fyrr en í febrúar, en þá komust tveir bátar til sjós, einn róður hvor en í mars fóru Bakkabátar samtals 60 róðra og 55 í apríl.

23.08.2011 21:43

Aflabrögð 1957

HraðfrystistöðinVertíðin 1957 hófst í byrjun febrúar og reru tveir bátar frá Eyrarbakka: Helgi og Jóhann Þorkellsson. Róið var með línu fram til 1. mars, en þá hófust netaveiðar. Gæftir voru oft stirðar á vertíðinni, en henni lauk eftir miðjan apríl. Heildaraflinn varð 704 lestir í 93 róðrum, sem skiptist þannig: Helgi með 353 lestir í 45 róðrum og Jóh. Þorkelsson með 351 lest í 48 róðrum.

20.08.2011 23:14

Aflabrögð 1958

Jóhann ÞorkellssonVetrarvertíðin 1958 hófst um miðjan janúar frá Eyrarbakka og reri einn bátur, Jóhann Þorkellsson á línu.  Hann aflað alls 21 lest í 11 róðrum, en í byrjun mars hófst netavertíðin og réru þá tveir bátar, mb. Jóhann Þorkellsson og mb. Helgi. Heildaraflinn á vertíðinni sem lauk 5. maí var 577 lestir hjá bátunum í 103 róðrum, þar af aflaði Jóhann Þorkelsson 312 lestir í 58 róðrum, en Helgi 265 lestir í 45 róðrum. Á humarvertíðinni  júní - ágúst réru fjórir bátar og var afli sæmilegur, eða um 20-30 smál. af humar og einnig nokkuð af ýmiskonar fiski.

18.08.2011 23:07

Aflabrögð 1959

Helgi ÁR 10Vetrarvertíðina 1959 stunduðu tveir bátar netaveiðar frá Eyrarbakka , Jóhann Þorkellsson ÁR 24 og  Helgi ÁR 10. Bátarnir komust þó ekki til sjós að ráði fyrr en í mars vegna stöðugra ógæfta. Heildaraflinn á vertíðinni varð 212 lestir í 64 róðrum. Fjórir bátar hófu humarvertíðina á Bakkanum, en lengst af vertíðinni reru einungis tveir bátar. Afli var allgóður þegar gaf á sjó. Frá september til ársloka var engin útgerð stunduð frá Eyrarbakka.

17.08.2011 22:53

Heyskap lokið


Heyskap á Bakkanum er almennt lokið í sumar og öll nýtanleg tún hafa verið hirt. Kalt vor og miklir þurkar í sumar háðu grassprettu og heyfengur því minni nú en oft áður.

14.08.2011 10:50

Hrói og Dröfn gefin saman


Fjöldi fólks var viðstatt brúðkaup aldarinnar á Eyrarbakka, þegar gefin voru saman fegursti haninn og fegursta hænan.
Ragnar dúfna og hænsnabóndi að Brandshúsum tilkynnir lýðnum hvaða hani og hæna urðu hlutskörpust í fegurðarsamkeppninni. Greidd voru 1.164 gild atkvæði.










Hlutskörpust urðu haninn "Hrói" og hænan "Dröfn". Eigandi fuglanna er Erna Gísladóttir, en hún heldur hér á "Dröfn" t.v. en Ólöf Helga Haraldsdóttir heldur á brúðgumanum.

Það var svo Hreppstjórinn sjálfur sem gaf púturnar saman í borgaralegt hænsnaband við hátíðlega athöfn en Byggðarhornssystrabandið sá um undirspil og söng.

Sláttukeppni fór fram við Íshúsið þar sem Eyrbekkskir sláttumenn öttu kappi með orf og ljá. Keppnina sigraði Emil Ingi Haraldsson.

13.08.2011 12:33

Fjölmenni í skrúðgöngu


Gríðarlegur fjöldi fólks tók þátt í skrúðgöngunni í morgun, en nú stendur sem hæst hin árlega Aldamótahátíð og mikið um að vera á Bakkanum, enda dagskráin full af fornlegum uppákomum.

Hreppstjórinn á Eyrarbakka Siggeir Ingólfsson og frú Anna Árnadóttir í Gónhól prúðbúinn á ferð.

Kaupmaðurinn búinn að opna Laugabúð, þar mun vera höndlað með ýmsan eftirsóttan varning alla helgina. 

Eyrbesk börn, sem og fullorðnir eru klædd samkvæmt nýjustu tísku hér á ströndinni.








Sr. Sveinn blessaði lýðinn á Kaupmannstúninu, en síðan var boðið upp á ljúfenga kjötsúpu.

Í gamladaga voru margar turndúfur á Bakkanum, en þessi stúlka mun sjá um að sleppa þessum turtildúfum frá gallery Gónhól síðdegis í dag, en þar mun einnig verða brúðkaup aldarinnar þegar gefin verða saman fegursta hænan og fegursti haninn. Í Gónhól stendur nú yfir fegurðarsamkeppni hænsnfugla og er fólk hvatt til að leggja til sitt fegurðarmat á þessari dýrasamkomu.

12.08.2011 22:58

Aflabrögð 1960

Á vetrarvertíðinni 1960 reri aðeins einn bátur frá Eyrarbakka, mb. Jóhann Þorkellsson, en skipstjóri á honum var Bjarni Jóhansson. Báturinn aflaði 233 lestir (óslægt) í 44 róðrum. Á humarvertíð reru tveir bátar Jóhann Þorkellsson og Helgi,  var afli þeirra sæmilegur. Ekkert var róið eftir humarvertíðina.

11.08.2011 00:17

Helgarspáin

Nú er ljóst að einmuna veðurblíða mun leika við hina Eyrbekksku strönd og gesti Aldamótahátíðar um komandi helgi.

föstudagur: Hægviðri eða létt hafgola, hiti um 14 stig, sólskín.

laugardagur: Hæg norðanátt, hiti 14-16 stig, sólskín.

sunnudagur:  Vaxandi  norðanátt, hiti 12-14 stig, sólskín.

06.08.2011 23:16

Aflabrögð 1961

Bátar í slippnumVertíðina 1961 reru þrír bátar af Eyrarbakka, en það voru Björn ÁR, skipstj. Sigurður Guðjónsson, Helgi ÁR 10, skipstjóri Sverrir Bjarnfinnsson aflakóngur og Jóhann Þorkellson ÁR 24, en skipstjórin á honum var Bjarni Jóhannsson.

16. - 31. jan. Frá Eyrarbakka reru 2 bátar í byrjun vertíðar með línu. Fóru þeir alls 7 róðra í jan. og öfluðu 16 lestir óslægt, þar af aflaði Helgi ÁR 10, 14 lestir í 6 róðrum.

1.-15. febrúar.  Héðan reru 2 bátar með línu; nam afli þeirra á tímabilinu 67 lestum í 18 róðrum, var afli þeirra nær alveg jafn.

16.-28. febr. Héðan reru 2 bátar með línu og varð afli þeirra á tímabilinu 25 lestir í 8 róðrum.

1.-15. marz. Héðan reru 2 bátar með net. Voru gæftir alveg afleitar. Fór hvor bátanna 2 róðra og nam aflinn 6 lestum.

15. - 31. marz. Héðan reru 3 bátar með net. Gæftir voru sæmilegar, en þó flest farnir 13 róðrar. Aflahæsti bátur á tímabilinu varð ms. Björn með 68 lestir.

1.apríl - 15. apríl 1961. Héðan reru 3 bátar með net. Gæftir voru mjög góðar og voru flest farnir 13 róðrar. Aflinn á tímabilinu varð 195 lestir í 33 róðrum. Aflahæstu bátarnir á tímabilinu voru: Helgi með 77 lestir í 13 róðrum og  Jóhann Þorkelsson með  69 lestir í 13 róðrum.

16.-30. apríl. Héðan reru 3 bátar með net. Gæftir voru góðar og voru flest farnir 11 róðrar. Aflahæsti bátur á vertíðinni í apríllok var Helgi með 234 lestir í 57 róðrum.

Helgi ÁR 101.-15. maí 1961, vertíðarlok. Frá Eyrarbakka reru 3 bátar með net, gæftir voru sæmilegar. Aflinn á tímabilinu varð 33 lestir í 5 róðrum. Aflahæsti báturinn var ms. Björn með 27 lestir (óslægt) í 3 róðrum. Heildaraflinn á vertíðinni varð 637 lestir (óslægt) í 141 róðri hjá 3 bátum. Aflahæstu bátar á vertíðinni voru: Helgi með 237 lestir í 58 róðrum og Jóhann Þorkelsson með 221 lest í 53 róðrum.

15. maí til 31. ágúst, humarvertíð. Af Bakkanum stunduðu 4 bátar humarveiðar og öfluðu allvel eða um 4 lestir í veiðiför en afli fór minkandi er áleið.

1. sept. - 31. okt. Héðan stunduðu 3 bátar humarveiðar fram til 15. september. Afli var mjög rýr frá septemberbyrjun og aðallega þorskur og langa. Algeng veiðiköst voru um 1 lest í veiðiferð, sem tekur venjulega um 2 sólarhringa.

Ekkert var róið af Bakkanum í nóvember og desember 1961.

Heimild:  Ægir 1961.

04.08.2011 23:32

Aflabrögð 1962

Eyrarbakki úr lofti
15.-31. janúar. Frá Eyrarbakka byrjuðu 2 bátar róðra með línu á vertíðinni sem hófst um miðjan janúar, en þar sem stöðugar ógæftir höfðu verið síðari hluta mánaðarins, fóru  bátarnir aðeins 3 róðra og öfluðu 12 lestir.

1.-15. febrúar.  Héðan reru 2 bátar með línu, gæftir voru alveg afleitar. Afli bátanna á tímabilinu var alls 10 lestir í 3 róðrum, þar af hafði  m/s Öðlingur 8 lestir í 2 róðrum.

16.-28. febrúar.  Héðan reru 2 bátar með línu, gæftir voru afleitar; varð aflinn á tímabilinu 29 lestri í 6 róðrum. Heildaraflinn á vertíðinni var í febrúarlok 51 lest í 12 róðrum, en var á sama tíma árið áður 107 lestir í 33 róðrum.

1-1 5 - marz. Af Bakkanum reru 3 bátar með net og voru gæftir góðar. Aflahæstir  bátar voru Öðlingur með 55 lestir í 9 róðrum og Jóhann Þorkellsson með 46 lestir í 9 róðrum.

16,-31. marz 1962. Héðan reru 3 bátar með net og voru gæftir ágætar. Aflinn á tímabilinu varð 375 lestir í 44 róðrum. Mestan afla í róðri fengu Björn þann 22. marz, 17.5 lestir og Öðlingur þann 29. marz, 17.5 lestir. Aflahæsti bátur á tímabilinu var Öðlingur með 140 lestir í 16 róðrum.

1.-15. apríl. Héðan reru 3 bátar með net, gæftir voru góðar. Aflinn á tímabilinu varð 193 lestir í 36 róðrum. Mestan afla í róðri fékk ms. Björn þann 10. apríl, 14 lestir. Aflahæstu bátar á tímabilinu voru: Öðlingur með 79 lestir í 13 róðrum og Björn með  76 lestir í 12 róðrum.

16.- 30. apríl 1962. Héðan reru 3 bátar með net, gæftir voru góðar. Aflinn á tímabilinu nam 209 lestum í 33 róðrum. Aflahæsti bátur á tímabilinu var Jóhann Þorkelsson með 83 lestir í 10 róðrum. Aflahæsti bátur í apríllok var ms. Öðlingur með 376 lestir í 58 róðrum.

Öðlingur ÁR 101-15. maí. Vertíðarlok.  Frá Eyrarbakka reru 3 bátar með net. Aflinn á tímabilinu varð 44 lestir í 13 róðrum. Aflahæsti báturinn á tímabilinu var m.s. Öðlingur með 16 lestir í 4 róðrum. Vertíðaraflinn varð 1008 lestir í 166 róðrum. Aflahæsti báturinn á vertíðinni var m.s. Öðlingur ÁR 10. Skipstjóri á Öðling var aflaklóin Sverrir Bjarnfinsson.

15. maí-30. júní 1962. Humarvertíð.  Héðan höfðu 2 bátar stundað humarveiðar og aflað að jafnaði 1.5-2.5 lestir í veiðiferð. Þá hóf 1 bátur dragnótaveiðar eftir miðjan júnímánuð, hafði  afli hans verið rýr eða um og yfir 1 lest í róðri.

1. júlí-31. ágúst 1962. Héðan reru 3 bátar á tímabilinu, þar af voru 2 bátar á humarveiðum, en 1 bátur með dragnót. Afli humarbátanna var 1-3 lestir í veiðiför, þar af var að jafnaði 2/5 hlutar humar. Aflinn á tímabilinu nam 195 lestum þar af aflaði .ms. Öðlingur 105 lestir en ms. Björn 90 lestir. Afli hjá dragnótabátnum ms. Jóhanni Þorkelssyni varð fremur rýr eða 86 lestir á tímabilinu.

1. september - 30. nóvember 1962. Héðan stundaði 1 bátur dragnótaveiðar framan af septembermánuði, hætti þá veiðum vegna aflatregðu.

desember. Engin sjósókn af Bakkanum í desember.

03.08.2011 23:33

Aflabrögð 1963

Bátar í slippnum 1964
1.-16. jan. 1963.
Af Bakkanum byrjuðu 2 bátar veiðar í janúar, var annar þeirra með línu, en hinn með botnvörpu. Aflinn á tímabilinu var 66 lestir í 16 róðrum, þar af hafði  ms. Öðlingur (lína) aflað 48 lestir í 13 róðrum.

16.-31.jan. 1963. Héðan reri 1 bátur m/s Öðlingur á tímabilinu, gæftir voru afleitar og fékk hann 14 lestir í 4 róðrum. Heildaraflinn í janúar varð 80 lestir í 20 róðrum hjá tveim bátum, þar af hafði m/s Öðlingur aflað 62 lestir í 17 róðrum.

Öðlingur1.-15. febrúar.  Héðan reru 2 bátar, var annar þeirra með línu, en hinn með botnvörpu. Gæftir voru slæmar. Aflinn á tímabilinu varð 24 lestir í 9 róðrum. Þar af var afli m/s Öðlings (lína) 21 lest í 7 róðrum.

16.-28. febrúar, 1963. Héðan reru 3 bátar með net, gæftir voru slæmar. Aflinn á tímabilinu var 129 lestir í 17 róðrum. Aflahæsti bátur á tímabilinu var Unnur með 65 lestir í 7 róðrum. Heildaraflinn í febrúar lok var 232 lestir í 44 róðrum. Aflahæsti bátur í febrúar lok var Öðlingur með 137 lestir í 32 róðrum.

1.-15. marz, 1963. Héðan réru 4 bátar með net,  gæftir  voru góðar og voru flest farnir 11 róðrar. Aflinn á tímabilinu varð 148 lestir í  38 róðrum. Aflahæstu bátar á tímabilinu voru: Unnur með 51 lest í 11 róðrum og Öðlingur  með 50 les tir í 11 róðrum.

16.-31. marz, 1963. Héðan réru 4 bátar með net, gæftir voru góðar. Aflinn á tímabilinu varð 342 lestir í 49 róðrum. Aflahæsti bátur á tímabilinu var Unnur með 133 lestir í 15 róðrum.

1.-15. apríl 1963. Héðan réru 3 bátar með net, gæftir voru sæmilegar. Aflinn á tímabilinu varð 487 lestir í 31 róðri. Aflahæstu bátar á tímabilinu voru: Unnur  með 204 lestir í 11 róðrum og  Öðlingur  með  160 lestir í 9 róðrum.

Björninn í slippnum16.-30. apríl 1963. Héðan réru 3 bátar með net og 1 með botnvörpu. Gæftir voru fremu r góðar.  Aflinn a tímabilinu varð 224 lestir í 30 róðrum. Aflahæsti bátur á tímabilnu var Unnur með 112 lestir í 13 róðrum. Heildaraflinn í apríllok var 1.433 lestir í 189 róðrum. Aflahæstu bátar í apríl lok voru Unnur með 585 lestir í 62 róðrum og Öðlingur með 458 lestir í 68 róðrum.

1.-15. maí, 1963. Vertíðarlok.  Frá Eyrarbakka réru 3 bátar með net. Gæftir voru fremur slæmar. Aflinn á tímabilinu varð alls 103 lestir í 13 róðrum.  Aflahæstu bátar á tímabilinu voru: Unnur og Jóhann Þorkelsson,  voru báðir bátar með 44 lestir í 5 róðrum. Vertíð lauk þann 10. maí og varð vertíðaraflinn 1.535 lestir í 206 róðrum hjá 4 bátum. Meðalafli í róðri varð 7,45 lestir. Aflahæstu bátar á vertíðinni voru:  Unnur með 629 lestir í 67 róðrum og Öðlingur með 458 lestir í 68 róðrum.

15. mai-15. júlí 1963. Héðan höfðu 3 bátar stundað humarveiðar frá júníbyrjun. Gæftir voru góðar og afli allgóður,  var heildaraflinn á tímabilinu um 225 lestir þar af var um 50-60% aflans humar.

15. júlí til 31. ágúst.  Þrír bátar stunduðu humarveiðar. Aflinn á tímabilinu var um 100 lestir, þar af um 30% humar.

september.  Héðan stunduðu 3 bátar humarveiðar til 15. september. Gæftir voru fremur óhagstæðar, aflinn á tímabilnu varð 23 lestir, þar af 7 lestir humar.

oktober. Ekkert var róið af Bakkanum í oktober,

nóvember 1963. Héðan stundaði 1 bátur togveiðar, en gæftir voru slæmar; varð aflin á tímabilinu 30 lestir í 5 veiðiferðum.

desember 1963. Ekkert var róið.

Flettingar í dag: 1402
Gestir í dag: 32
Flettingar í gær: 676
Gestir í gær: 40
Samtals flettingar: 2091145
Samtals gestir: 227816
Tölur uppfærðar: 22.8.2017 22:18:09

Veðrið á Bakkanum í dag

Brimið á Bakkanum

Farsími:

8621944

Staðsetning:

Eyrarbakki

Veðurhnöttur IR

IR veðurhnöttur/smellið til að stækka

Dagur og Nótt

Click for Eyrarbakki, Iceland Forecast

Eyrarbakkavegur: Umferð


<60 60-70 70-80 80-100 100-110 110-120 >120

km/hour-km/klst

Öldufar

Öldukort fyrir N Atlantshaf

Ís og snjór

Ís og Snjór frá NOOA

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

Smellið á myndina til að 

fá sjávarhæð í rauntíma.

Stormglugginn

Meteoalarm click here


Meteoalarm.

Eldra efni

Tenglar

Web Stats Counter

Free counter and stats for your website on www.motigo.com