Brim á Bakkanum
brimið þvær hin skreypu sker


FULLUR MÁNI / FULL MOON / FULLT TUNGL

eftir

23 daga

ALMANAKIÐ

S E P T E M B E R  M Á N I N N
          
 Fyrsta kvartil  5  september  2019  
 Fullt tungl  14  september  2019  Uppskerumáni 
 Síðara kvartil  21  september  2019  
 Nýtt tungl  28  september  2019  

Flokkur: Veðurklúbbur

04.01.2007 08:58

Meiri hiti 2007

Breskir veðurfræðingar spá því nú að árið 2007 verði það hlýjasta á jörðinni frá því að mælingar hófust og líklegt að mörg met verði slegin. Árið 1998 var það heitasta á jörðinni síðan mælingar hófust og nú kann þetta met að vera í hættu ef marka má spá bresku veðurfræðingana.

 

Það er meðal annars veðurfyrirbrigðið El Nino sem veldur því að vísindamenn spá þessu, liklegt þykir að El Nino muni þrýsta upp hitastigi jarðar á árinu. El Nino fyrirbærið eru heitir hafstraumar undan vesturströnd Suður Ameríku veldur líka þurkum víða um heim og aukinni tíðni fellibylja. El Nino hefur einnig neikvæð áhrif á uppvöxt fiskistofna í kyrrahafi sem hafa síðan keðjuverkandi áhrif  t.d. á fuglalíf.

Síðast þegar El Nino bærði á sér árið 1997 þá var úrkomusamt fyrstu mánuði ársinns út apríl og hiti yfir meðallagi en maí og júni voru fremur þurrir en aftur á móti voru júlí og ágúst það ár vætusamir á suðurlandi en sama tímabil árið 1998 í lok EL Níno tímabilsinns var veturinn kaldur og snjóasamur. Vorið og sumarið mjög vætusamt.

 

Hin meginástæðan fyir spánni byggist á gróðurhúsaáhrifum vegna losunar manna á gróðurhúsalofttegundum sem hafa aukist ár frá ári undandarin ár.

Skoða nánar

 

23.11.2006 10:02

Haustuppgjör!

þeir sem hafa áhuga á að spá í gróðurhúsaáhrifin geta rýnt í þessar tölur sem fengnar eru frá Tu Tiempo.net um meðaltals gildi aftur til ársinns 1982 á Eyrarbakka. Tu Tiempo.net er veðursíða sem gefur upp veðurfarsgildi víðsvegar um heiminn.

 

Meðalhitinn á Eyrarbakka í september síðasliðinn var 10,6°C sem er nokkru hærra meðaltal en í júní og þarf að fara aftur til ársinns 1996 til að sjá sambærilegan meðalhita í septembermánuði. Í oktober var meðalhitinn 4,4°C sem er í meðallagi, en árið 1985 var meðalhiti í oktober hæðstur eða 6,7°C  á því 24ára tímabili sem mælingin nær til. Árin 1997  2001 og 2003 var oktober hlýrri en nú. Meðalhitinn árin 1991, 1993, 1996, 2000, 2002 og 2004 voru á svipuðu róli og í ár. Nóvember virðist hinnsvegar stefna í að vera yfir meðallagi.

 

Sjá töflu.

13.09.2006 13:40

Óþægileg sannindi!

Streymi ferskvatns út í sjó hefur aukist um 17 þúsund rúmkílómetra síðastliðinn áratug vegna bráðnunar íss og jökla. Það slagar hátt upp í 40 ára gegnumstreymi ferskvatns út í Missisippi-flóann. Þessar niðurstöður bandarísks vísindamanns, sem meðal annars hefur rannsakað aukna bráðnun Grænlandsjökuls, valda mörgum áhyggjum af því að seltustig sjávar breytist hraðar en gert var ráð fyrir.  Það þýðir róttæka breytingu á lífsskilyrðum fisktegunda og annarra sjávarlífvera, sérstaklega á heimskautasvæðum.

www.visir.is

 

Ef Grænlandsjökull mundi til dæmis bráðna alveg yrði umtalsverð hækkun á sjávarborði um allan heim, og er jafnvel talað um 7 metra hækkun. Þetta er óafturkræf breyting og það á einnig við um hækkun sjávarborðs vegna hitaþenslu vatnsins. þetta þýðir að strandbyggðir munu þurfa að þola meiri ágang af völdum sjávar og vaxandi flóðahættu í framtíðinni.

 

Athyglisverð Kvikmynd ,,Inconvenient Truth" með Al Gore, fyrrverandi varaforseta Bandaríkjanna í aðalhlutverki. Forsetaframbjóðandinn fyrrverandi, Al Gore, lýsir því hvernig gróðurhúsaáhrifin - hitnun andrúmsloftsins -loftslagsbreytingar geta valdið varanlegri eyðileggingu á lífríki jarðar. Ofsaveður og hröð bráðnun jökla eru bara toppurinn á ísjakanum sem Titanic stefnir á.

 

www.climatecrisis.net   

 

12.09.2006 08:56

Fellibylurinn Florance

Á þessum degi er fellibylurinn Florance  á NNA leið með 30 km hraða en mun að líkindum auka hraðann á fimtudaginn þegar hann heldur út á Atlantshafið sem hitabeltisstormur.Gert er ráð fyrir að stormurinn muni berast austur á Írlandshaf en áhrifa hans má vænta síðar við suðurströnd Íslands með tilkomumiklu brimi.

 

Meðal vindhraði fellibylsins er nú um 140 km/klst eða 1. stigs fellibilur á Safír-Simpson skala en mun veikjast á næsta sólarhring.

 

Florance er víðáttumikill 974 mb fellibylur með 110 km radíus en áhrifa hanns gætir í 465 km fjarlægð.

 

Heimild: Alþjóða fellibyljamiðstöðin.

 

23.08.2006 11:20

Ósonlagið stöðugt!

Í mörg undanfarin ár hefur gatið á ósonlaginu verið að víkka yfir heimskautunum með þeim afleiðingum að skaðlegir geislar frá sólinni eiga greiða leið til jarðar. nú horfir hinnsvegar til betri tíðar þar sem útvíkkunin hefur stöðvast samkv.mælingum vísindamanna á Suðurskautinu.

Gatið á ósonlaginu var uppgötvað árið 1986 og síðan þá hafa þjóðir heimsinns reynt að hemja útblástur hinns skaðlega CFC gas.

 

dr. David Hofman hjá US National Oceanic and Atmospheric Administration (NOAA) er mjög bjartsýnn á að eðlilegt ósonlag náist einhverntíman í framtíðinni.

 

Ósonlagið hrindir frá útfjólumbláum geislum sólarinnar sem getur haft skaðleg áhrif á menn,dýr og plöntur. Vísindamenn spá því að það geti tekið 60 ár þar til að gatið lokast miðað við núverandi aðstæður

Heimild: Jyllandsposten

13.02.2006 09:58

Jörðin hitnar!

Meðalhitastig jarðarinnar hækkaði í fyrra og mældist það vera næsthæsta meðalhitastig jarðar í yfir 100 ár. Þykir þetta benda til þess að jörðin sé að hitna af völdum gróðurhúsalofttegunda, en veðurstofa Japans greindi frá þessu fyrir skemmstu. Hitastig jarðarinnar var 0,32 gráðum á Celsíus hærra heldur en meðalhitastig áranna 1971 - 2000, segir í yfirlýsingu frá Japönsku veðurstofunni.

Á síðari hluta 20. aldar var hlýnun á norðurhveli jarðar meiri en verið hefur í 1.200 ár, samkvæmt niðurstöðum rannsóknar sem birtar eru í vísindaritinu Science. Styðja þær vísbendingar um hlýnun andrúmsloftsins af völdum gróðurhúsaáhrifa. Höfundar rannsóknarinnar könnuðu breytingar á steingervingum, trjáhringjum, borkjörnum og fleiri hlutum sem veitt geta vísbendingar um loftslag fyrr á tímum. Vísindamennirnir glugguðu ennfremur í dagbækur fólks frá undanförnum 750 árum. Frá þessu greinir fréttavefur breska ríkisútvarpsins, BBC. Það voru tveir vísindamenn við University of East Anglia í Bretlandi sem gerðu rannsóknina. Þeir könnuðu hitamælingar frá 1856 til dagsins í dag til að ákvarða lengd hlýskeiðsins undanfarið. Síðan báru þeir þær upplýsingar saman við gögn allt aftur til ársins 800. Niðurstöðurnar staðfestu umtalsvert hlýskeið á norðurhveli á árunum 890-1170 (svonefnt Miðaldahlýskeið) og kuldaskeið frá 1580-1850 (svonefnd Litla ísöld). Niðurstöðurnar staðfesta ennfremur að núverandi hlýskeið er víðtækasta hitastigsfrávik sem vart hefur orðið síðan á níundu öld.  

31.01.2006 00:00

Gróðurhúsaloft!

Talið er að söfnun gróðurhúsalofttegunda geti haft mun alvarlegri afleiðingar en áður var talið, en þetta kemur fram í viðamikilli vísindaúttekt. Skýrslan, sem breska ríkisstjórnin stendur á bak við, segir að aðeins lítill hluti af þeim gróðurhúsalofttegundum sem hleypt er út í andrúmsloftið sé haldið fyrir neðan hættumörk. Varað er við því íshella Grænlandsjökuls muni líklega bráðna og mun það leiða til þess að yfirborð sjávar muni hækka um sjö metra á næstu 1.000 árum.

Vísindamenn eru þó ekki á eitt sáttir hvað gerist við bráðnun Grænlandsjökuls. Til dæmis halda sumir norskir og bandarískir vísindamenn því fram að aukið ferskvatn af bráðnun Grænlandsjökuls í Norður Atlantshafið valdi því að Golfstraumurinn hverfi og skapi þannig skilyrði fyrir ísöld. Mælingar norskra vísindamanna sína líka að Golfstraumurinn hafi nú þegar hægt ferðina töluvert. Svo má ekki gleima því að aðal orkugjafar heimsinns sem velda mestum gróðurhúsaáhrifum, kol og olía, verða að mestu upp urinn eftir 100 ár og aðrir orkugjafar komnir í staðinn, svo sem vetni. Þannig að 1000 ára framreikningur getur verið afar skeikull.

 

26.01.2006 09:45

OGLE-2005-BLG-390Lb

Hubble

Stjörnufræðingar hafa fundið minnstu plánetuna sem líkist Jörðinni sem er fyrir utan okkar sólkerfi. Massi nýju plánetunnar er fimm sinnum meiri en Jarðarinnar og hún er í um 25.000 ljósára fjarlægð frá okkur, nærri miðju Vetrarbrautarinnar. Plánetan gengur undir nafninu OGLE-2005-BLG-390Lb. Það tekur hana um 10 ár að fara um sporbraug móðurstjörnunnar, sem er rauður dvergur líkt Sólin en minni og kaldari vegna þess að svokallaðir Rauðir Dvergar eru útbrunnar sólir. Hitastigið á Plánetunni er mínus 220°C

Hubble síðan Sjá einig "Til ystu marka-mbl.is¨" SkoðaPluto Stjörnuskoðunarvefurinn

23.01.2006 08:19

Vetur konungur ríkir í Evrópu

Fiskimaður í plastpoka -Mynd AP/Dmitry Lovetsky

Gríðarlegir kulda hafa geisað víða í Evrópu um þessar mundir og hafa fjölmargir látist. Kuldinn náði á nokkrum stöðum sögulegu hámarki um helgina og til dæmis mældist tæplega sjötíu gráðu frost í Síberíu í Rússlandi á laugardag. Frostið í Moskvu mældist 32 gráður og að minnsta kosti sjö manns frusu í hel í borginni aðfaranótt sunnudags. Tólf hafa látist í Úkraínu og sex dóu úr kulda í Lettlandi í gær þar sem hitastigið hefur ekki verið lægra í heila öld.

Heimild: www.visir.is  

Flettingar í dag: 128
Gestir í dag: 39
Flettingar í gær: 593
Gestir í gær: 86
Samtals flettingar: 2367491
Samtals gestir: 261163
Tölur uppfærðar: 20.9.2019 03:09:32


Sjólag og horfur

 
 
 Brimspá  
Öldur 4m+ næstu daga. 
Uppfært 20.09.19



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

Smellið á myndina til að 

fá sjávarhæð í rauntíma.

Eldra efni

Tenglar


Icelandic surf

Veðurgögn Eyrarbakki

5 daga yfirlit