Framkvæmdir við nýja gangstétt standa nú yfir við Eyrargötu frá Álfstétt að Háeyrarvegi, en verktaki er Bergþór ehf og hefur verkinu miðað vel áfram. Jarvegsskiptum er lokið og nýir ljósastaurar hafa verið settir niður, en þeir koma til með að breyta svipmóti götunnar til batnaðar ásamt steinlagðri gangstétt sem verður nokkuð breiðari en sú sem fyrir var. Gangstéttarmál hafa verið mikið í brennidepli á Bakkanum síðustu ár, enda margar orðnar gamlar og illa farnar.
