Brim á Bakkanum
brimið þvær hin skreypu sker


FULLUR MÁNI / FULL MOON / FULLT TUNGL

eftir

23 daga

ALMANAKIÐ

S E P T E M B E R  M Á N I N N
          
 Fyrsta kvartil  5  september  2019  
 Fullt tungl  14  september  2019  Uppskerumáni 
 Síðara kvartil  21  september  2019  
 Nýtt tungl  28  september  2019  

Flokkur: Fyrirbæri

29.05.2008 23:14

Suðurlandsskjálftar.


Stór jarðskjálfti
6,2 stig reið yfir kl.15:45 í dag. Fjöldi eftirskjálfta fylgdu í kjölfarið, smáir sem stórir. Mikið tjón varð á húsmunum flestra heimila á Árborgarsvæðinu og Ölfusi. Skemdir urðu á Óseyrarbrú og á veginum milli Eyrarbakka og Ölfusárósa. Á Bakkanum hrundu húsmunir og annað lauslegt niður á gólf í mörgum húsum. Garðhleðsla hrundi við eitt hús og einhverjar skemdir urðu á "Bragganum" svo dæmi sé nefnt. Fólki er talsvert brugðið og hyggjast einhverjir ætla að sofa í tjöldum eða fellihýsum í nótt.
Hér eru nokkrar nyndir af atburðum dagsins.

29.01.2008 21:43

Ökumönnum hált á svellinu.

Hálka hefur verið á velflestum vegum héraðsins að undanförnu og hefur það valdið ýmsum óhöppum. Jeppabifreið fór veltu á Eyrarbakkavegi síðdegis í dag við vegamótin að Stokkseyri, en ekki er vitað til að slys hafi orðið á fólki. Vegurinn er launháll því klaki er undir þunnri og lausri snjómjöllinni og er rétt að vara ökumenn við því. Það væri gott fyrir ökumenn að hafa það fyrir sið að kíkja á heimasíðu vegagerðarinnar og kanna færðina áður en lagt er upp í ferðalag.
Víða eru vegir  ekki mokaðir seint á kvöldin eða yfir nóttina og því ætti fólk að varast að vera á ferð á vegum úti eftir að þjónustu vegagerðarinnar lýkur ef eitthvað er að veðri. Annars finnst mér að vegagerðin ætti að vera með sólahringsvakt á helstu og fjölförnustu leiðum.

20.11.2007 19:39

Flóinn skelfur

Kort veðurstofunarJarðskjálftahrina gengur nú yfir við Þorlákshöfn og Selfoss.Stæðsti  kippurinn fannst vel á Bakkanum og var hann eins og þungt högg sem kom á húsið en ekki það mikill að hlutir færðust úr stað.
Sjá töflu Veðurstofunar

Það rifjast e.t.v. upp hjá mörgum tilfinningin þegar sá stóri kom á þjóðhátíðardaginn 17.júní árið 2000 sem var það öflugur að Þegar skjálftinn náði hámarki var orðið tæpt að fólk gat staðið í lappirnar. Eða sá sem kom stuttu eftir miðnættið þann 21. júní sama ár og var ekki síðri en þjóðhátíðarskjálftinn eða um 6,5 á righter. það er kanski tilviljun að þegar skjálftarnir riðu yfir var veður mjög stillt rétt eins og nú. Þessir skjálftar tilheyra svokölluðum Suðurlandsskjálftum og einn öflugasti af þeirri gerð reið yfir árið 1912.

Fróðleikur um Suðurlandsskjálfta

  Jarðskjálftar -viðbrögð

25.10.2007 12:50

Selfoss leikur á reiðiskjálfi.

Jarðskjálftar skekja nú Selfoss svo hús leika þar á reiðiskjálfi með undarlegum hvin. Bækur féllu úr hillum á Sunnlenska bókakaffinu í hádeginu samkv.heimildum. Skjálftahrinan hófst kl. 3 í nótt undir Ingólfsfjalli. Í hádeginu höfðu um 15 skjálftar mælst, sá stærsti kl. 12:06 um 3 stig segir á vef Veðurstofunar.
Sjá töflu!

Eflaust er uggur í mörgum, því enn er beðið eftir seinnihluta suðurlandsskjálft á þessum slóðum.

12.08.2007 18:59

Kaldbakur



Kaldbakur heitir fjall nokkurt sem rís hátt norður af Grenivík. Snjófláki er þar austur undan tindinum sem helst þar við allt sumarið og hefur lítið minkað þrátt fyrir gróðurhúsa áhrifin. Á efri myndinni sem er frá því um eða eftir 1950 og þeirri neðri sem er tekin nú í ágúst má sjá að lítill munur er á snjóflákanum. Fyrir neðan snjóflákann má sjá glytta í íshellu sem heimamenn kalla "Kaldbaksjökul" og er líklega eini jökullinn sem stækkar um þessar mundir. Líkleg skýring er sú að þegar bráðnar úr snjóhengjunni í sólinni safnast fyrir klaki í lægð undir skaflinum þegar vatnið frýs aftur.

14.05.2007 12:00

Fíflavandinn ógurlegi!

Nú þegar maísólin skín á þessum fallega degi sprettur upp eitt vandamál sem heitir Túnfífill (Taraxacum spp.) Hann er mjög algengur um allt land, bæði í túnum, úthaga og til fjalla,en ekki síður í görðum Eyrbekkinga. Þar er þessi planta ekki velkominn gestur,því hún fjölgar sér ört og fer illa með blettinn. Eftir blómgun(Flugur bera frjókorn frá frævlunum á frævurnar og fræ myndast) lokar fífillinn blómakörfunni um hríð, en opnar hana svo aftur þegar fræin eru fullþroskuð, og heitir þá biðukolla. Hún nýtir þá vindinn til að dreifa sér yfir á næstu lóðir í nágreninu.

Það færist í vöxt að menn hafi ofnæmi fyrir frjókornum þessarar plöntu. Frjókornaofnæmi er eitt algengasta ofnæmið sem kemur fram í nefi og augum. Margir þjást af ítrekuðu kvefi á hverju sumri áður en þeir átta sig á því að um frjókornaofnæmi er að ræða. Eitt helsta einkenni frjókornaofnæmis og það margir finna fyrst fyrir, er kláði í augum. Aðeins örfá frjókorn í loftinu geta framkallað augnkláða. Augun verða rauðsprengd og það rennur úr þeim. Fyrstu einkenni frá nefi eru síendurteknir hnerrar. Önnur einkenni sem miklum óþægindum valda er kláði í nefinu. Versti tíminn er maí og júní þegar loftið er þurt.

Baráttan við þetta illgresi getur verið endalaus,þó til séu ýmis verkfæri og eitur til að stemma stigu við fíflinum, þá er hún er lúmsk og kann fyrir sér ýmsa klæki til að komast af.

Hvenær kemur krían?
Venjulega hefur krían komið á Bakkan á bilinu 14-16 maí svo nú er bara að vera á verði og athuga hver verður fyrstur til að sjá kríuna.Í fyrra kom hún þann 16.

23.04.2007 12:45

Fyrrverandi tundurdufl á safn

þetta fyrrverandi tundurdufl hafði þjónað sem olíutankur símstöðvarinnar á Eyrarbakka í hálfa öld, en fær nú það hlutverk að vera stríðsmynjar við sjóminjasafnið á Eyrarbakka.

Tundurdufl er nafn á sprengjum sem lagðar eru í sjóinn til þess að granda skipum og kafbátum.
Í síðari heimstyrjöldinni lögðu bretar allmörg tundurdufl við strendur Íslands, talið er að þau hafi verið yfir 200.000 og voru  einkum lögð  út af Vestfjörðum, í Faxaflóa, Hvalfirði, Eyjafirði og Seyðisfirði  og víðar þar sem hugsanlegt þótti að herskip þjóðverja ættu leið um. Allar götur síðan hafa þessi dufl slitnað upp og rekið á fjörur víða um land eða komið upp í veiðarfærum skipa.Íslenskir sjómenn hafa því frá lokum seinna stríðs oft fengið dufl í veiðarfærin eða séð þau á reki. Fundist hafa hátt í 3000 dufl við Ísland en á seinni árum hafa fimm til sex dufl fundist á ári.

Þegar olíuhitun tók við af kolaofnunum fengu mörg slík dufl nýtt hlutverk sem olíutankar og voru minnst tveir slíkir tankar til á Eyrarbakka.

06.04.2007 14:23

Helikopter lendir á Bakkanum.

Þyrla á KaupmannstúniEinkaþyrla lenti á Kaupmannstúninu við Húsið í dag og voru þar gestir Rauðahússins á ferð. Það þarf kanski nú til dags að gera ráð fyrir þyrlupöllum á opinberum stöðum þar sem fyrirfólk er alveg hætt að ferðast á bifreiðum á þessum ofur velmegunartímum.
Sjá einnig Stjörnur á ferð í Hveragerði

03.03.2006 15:00

Fuglaflensa

Fréttir hafa borist af því að dauðar álftir hafi fundist á Suðurlandi og það hafi valdið fólki áhyggjum. Álftir eru nú komnar í fjöruna og á  Tjörnina á Eyrarbakka, en þær virðast frískar vel.

 

Fuglaflensa er ekki ný af nálinni. Hún hefur áður riðið um jarðir og fellt miljónir fugla og miljónir manna!

 

1889-90 - Asíuflensan: allt að 1 af hverjum 1000 lést af völdum flensunnar sem var H2N2 afbrigði.

1900 - Ítalska flensan: H3N8.

1918-20 - Spænska veikin: 500 milljónir veiktust og 40 milljónir létust af H1N1 afbrigði flensunnar, þar af 484 Íslendingar.

1957-58 - Asíuflensan: 1-1,5 milljónir manna létust af H2N2 afbrigði flensunnar.

1968-69 - Hong Kong veikin: 300.000 til 1 milljón manna létust af völdum H3N2 afbrigði veirunnar.

 

Árið 2004 tókst vísindamönnum að finna veirustofninn sem olli spænsku veikinni með því að rannsaka sýni úr jarðneskum leifum konu sem varðveist höfðu í Alaska og úr sýnum sem tekin höfðu verið úr bandarískum hermönnum sem létust í fyrri heimsstyrjöld. Niðurstaðan var sú að próteinsameind spænsku veikinnar, sem talið er að upphaflega hafi verið fuglaflensuveira, hafði stökkbreyst og orðið að inflúensuveiru sem barst í menn. Með rannsókn á sýnunum tókst að búa til bóluefni gegn flensunni.

 

Sé mið tekið af því að spænska veikin geisaði á árunum 1918 til 1920 er ljóst að þróun bóluefnis og framleiðsla á því tekur afar langan tíma og getur verið erfitt að bregðast við ef H5N1 afbrigði fuglaflensuveirunnar stökkbreytist og berst á milli manna með þeim afleiðingum að hún verði að skæðum inflúensufaraldri.  
Upplýsingar um sóttvarnir og smitjúkdóma

01.03.2006 21:56

FFH ?

Einhverju sinni árið 1947 urðu fjölmargir Eyrbekkingar vitni að því er fljúgandi furðuhlutur kom svífandi yfir þorpið utan af hafi. Krakkar sem voru að leika sér í fótbolta töldu að þarna væri á ferð geimskip frá öðrum hnöttum og margir fullorðnir voru sama sinnis. "Geimskipið" var vindillaga og stefndi á ofsa hraða norður yfir Ingólfsfjall.

Frá þessu er m.a.sagt í fréttabréfi félags áhugamanna um fljúgandi furðuhluti frá júní 1996.

 

Hvað þarna var á ferðinni geta lesendur svo getið sér til um, en þess ber að geta að um þetta leyti var þotuöldin að hefjast.

26.01.2006 09:45

OGLE-2005-BLG-390Lb

Hubble

Stjörnufræðingar hafa fundið minnstu plánetuna sem líkist Jörðinni sem er fyrir utan okkar sólkerfi. Massi nýju plánetunnar er fimm sinnum meiri en Jarðarinnar og hún er í um 25.000 ljósára fjarlægð frá okkur, nærri miðju Vetrarbrautarinnar. Plánetan gengur undir nafninu OGLE-2005-BLG-390Lb. Það tekur hana um 10 ár að fara um sporbraug móðurstjörnunnar, sem er rauður dvergur líkt Sólin en minni og kaldari vegna þess að svokallaðir Rauðir Dvergar eru útbrunnar sólir. Hitastigið á Plánetunni er mínus 220°C

Hubble síðan Sjá einig "Til ystu marka-mbl.is¨" SkoðaPluto Stjörnuskoðunarvefurinn

07.01.2006 19:04

Draugasaga

MundakotsvarðaEinn er sá draugur sem Mundakotsdraugur eða Vörðudraugur nefnist. Hann hefur ekki notið sömu frægðar og Móri og því minna þekktur þó skæður hafi verið á sínum tíma.

Í Mundakoti bjó lengi maður að nafni Þorkell Einarsson formaður(1829-1865) og þótti skyggn. (Hann var faðir Guðmundar á Gamla-Hrauni sem er langa langafi Lúðvíks Geirssonar bæjarstjóra í Hafnafirði.) Það er haft fyrir satt að Þorkell hafi oft séð drauginn. Mundakotsdraugurinn hafði þann háttinn á að draga menn í villur og ófærur, en eins og með aðra drauga átti tilurð Mundakotsdraugsinns uppruna sinn til voflegs atviks sem gerðist á árabilinu 1835-1845

Lesa söguna

07.11.2005 15:46

Mannskæður Skýstrokkur

22 íbúar í Indianafylki í Bandaríkjunum fórust þegar hvirvilbylur gekk yfir fylkið um helgina. Hvirvilbylurinn kom fyrirvaralaust á meðan íbúarnir voru í fasta svefni og olli gríðarlegri eiðileggingu. Skýstrokkurinn eyddi hjólhýsabyggð í Evansville. Eignatjón er gífurlegt. 21.000 heimili eru rafmagnslaus.

Hvirfilbylur eða skýstrokkur er loft sem snýst ógnarhratt í hring, líkt og iða sem myndast yfir útfalli í baðkari þegar vatnið streymir út. Í samanburði við lægðir og fellibylji eru hvirfilbyljir örsmáir og skammlífir, en vindhraðinn í þeim getur samt verið meiri. Hvirfilbyljir eru aðeins nokkur hundruð metrar í þvermál, en ferðast hæglega á annað hundrað kílómetra á 1-2 klukkustundum. Vindhraði í hvirfilbyljum getur farið yfir 100 m/s og er eyðilegging í samræmi við það.

Flettingar í dag: 234
Gestir í dag: 44
Flettingar í gær: 593
Gestir í gær: 86
Samtals flettingar: 2367597
Samtals gestir: 261168
Tölur uppfærðar: 20.9.2019 04:12:32


Sjólag og horfur

 
 
 Brimspá  
Öldur 4m+ næstu daga. 
Uppfært 20.09.19



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

Smellið á myndina til að 

fá sjávarhæð í rauntíma.

Eldra efni

Tenglar


Icelandic surf

Veðurgögn Eyrarbakki

5 daga yfirlit