19.06.2010 22:35
Bakkavík ÁR 100
Þessi bátur var smíðaður á Fáskrúðsfirði 1947. Árið 1977 átti Þórður Markússon á Eyrarbakka bátinn og hét hann Bakkavík ÁR 100. Báturinn slitnaði upp við bryggju á Stokkseyri í stórsjó 12.12.1977 og ónýttist.
Annar báturinn sem bar þetta nafn var smíðaður í Hafnafirði 1943 og var 52 tn. Þórður markússon átti hann 1978. Árið 1987 eignaðist Bakkafiskur H/F bátinn.
Þriðji báturinn með þessu nafni var smíðaður á Neskaupstað 1971. Þórður Markússon átti hann 1980. Báturinn fórst á Einarshafnarsundi 7.9.1983. Tveir menn fórust en þriðji maðurinn bjargaðist á gúmmibjörgunarbát.
Sjá:Brimbarinn
Bátar
19.06.2010 22:26
Sæsvalan ÁR 65
Báturinn var smíðaður á Akureyri 1948. Árið 1976 var báturinn skráður á Eyrarbakka og átti hann Sæsvalan H/F og hét þá Sæsvalan ÁR 65. Báturinn var seldur 1977.
18.06.2010 22:09
Jóhann Þorkelsson ÁR 24
Jóhann Þorkelsson eldri var smíðaður í Njarðvík 1943. Árið 1953 áttu hann bræðurnir Bjarni og Jóhann Jóhannssynir. Báturinn var seldur 1963. Hann sökk í Fljótvík 13.7.1975
Annar bátur þeirra bræðra Bjarna og Jóhanns sem bar sama nafn, eignuðust þeir 1963. Báturinn var smíðaður í Svíþjóð 1954. Hann var seldur til Ólafsvíkur 1967.
Þriðji báturinn með þessu nafni var smíðaður í Danmörku 1957 og var einnig í eigu Bjarna og Jóhanns frá 1967. Báturinn strandaði vestan við Einarshöfn 21.6.1981 og eiðilagðist.Bátar
18.06.2010 21:55
Helgi ÁR 10
Vélbáturinn Helgi var smíðaður í Njarðvík 1939. Árið 1955 áttu þennan bát Þeir Sverrir Bjarnfinnsson, Reynir Böðvarsson og Óðinn H/F á Eyrarbakka. Helgi var seldur 1961 til Vestmannaeyja. Báturinn sökk á Reyðarfirði 10.3.1965 og hét þá Valur VE 279.Bátar
14.06.2010 22:19
Skálafell ÁR 16
Þessi bátur var smíðaður á Ísafirði 1942. Árið 1982 áttu hann Baldur Birgisson, Þórður Guðmundsson og Henning Fredriksen. Báturinn hét Skálafell ÁR 16. Árið 1988 átti hann Þórður Eiríksson.
Bátar
14.06.2010 22:15
Sædís ÁR 22
Sædís ÁR 22 var smíðuð í Hafnafirði 1939. Árið 1977 átti Hörður Jóhannsson á Eyrarbakka þennan bát.12.06.2010 23:40
Skúli fógeti ÁR 185
Báturinn var smíðaður í Danmörku 1938. Árið 1975 átti bátinn Ragnar Jónsson. Þann 3.nóvember það ár gerði mikið óveður og eiðilagðist báturinn í höfninni á Eyrarbakka ásamt nokkrum öðrum bátum sem þar voru.Bátar
12.06.2010 20:32
Gunnar ÁR 199
Bakkabáturinn Gunnar ÁR 199 var smíðaður á Akureyri árið 1921 og var 11 tn. Árið 1937 áttu bátinn Jón Kristinn Gunnarsson og Jóhann E Bjarnason.Sjá bátar á Brimbarinn
12.06.2010 19:25
Pipp ÁR 1
Pipp var smíðaður í Danmörku 1925. Árið 1948 voru eigendur hans Helgi Vigfússon, Steinn Einarsson og Gísli Guðlaugsson og keyptu þeir bátinn frá Vestmannaeyjum, hét þá Pipp VE. Félagarnir seldu svo bátin aftur 1955.
Bátar
06.06.2010 14:47
Björgunarsveitin með nýjan bát
Björgunarsveitin Björg á Eyrarbakka hefur keypt notaðn björgunarbát frá Konunglega breska sjóbjörgunarfélaginu (RNLI) en Landsbjörg hefur keypt báta frá félaginu síðan árið 1929.
Hér á myndinni er hinsvegar einnn elsti Zodiac bátur sveitarinnar.
01.06.2010 21:46
Veðrið í maí
Maí var frekar þur mánuður með um 40mm heildar úrkomu. Mesta úrkoma á sólarhring var þann 19. en þá komu 13.8 mm í dolluna á 24 tímum. Yfirleitt þokkalega hlýtt og var meðalhitinn um 10°C. Hlýjast var þann 23. mánaðarins 19°C en lægst fór næturhitinn í 1.2°C þann 16. Vindur að meðallagi um 5 m/s. Mesti vindur NNA10.5 m/s 15.maí og mesta hviða NNA 13.6 m/s sama dag. Loftvog stóð lægst 12.maí. Öskufok var um miðjan mánuðinn og svo sérstaklega í gær 31.maí. Oftast bjartviðri eða hálfskýjað. Sólríkast var sunnudaginn 30.maí. Veðurspámenn hafa verið að veðja á rigningasumar hér Sunnanlands en slík sumur koma af og til. Þá byrjar þetta snemma í júní og stendur jafnan fram að hundadögum. Erlendir veðurspámenn hafa hinsvegar verið að spá því að 2010 verði heitasta ári á jörðinni.
26.05.2010 22:54
Jón Helgason ÁR 150
Smíðaður í Danmörku 1944 og keyptur frá Vestmannaeyjum 1964 af Eyrar h/f. Báturinn strandaði við Eyrarbakka 20.janúar 1965 og eyðilagðist.
26.05.2010 22:31
Öðlingur ÁR 10
Báturinn var smíðaður í Svíþjóð 1946. Árið 1962 áttu hann Sverrir Bjarnfinnsson og Vigfús Jónsson á Eyrarbakka og hét þá Öðlingur ÁR 10. Báturinn talinn ónýtur 1965. Árið 1926 var smíðaður á Eyrarbakka bátur með þessu nafni og bar hann einkennisnúmerið ÁR 183 og átti hann Árni Helgason. Sá bátur var seldur til Keflavíkur 1933 og rak hann á land þar árið 1941 og brotnaði í spón. Árið 1916 var smíðaður bátur á Eyrarbakka sem bar einnig þetta nafn og sama númer og áttu bátin saman þeir Árni Helgason, Sigurður Guðmundsson og Guðmundur Guðmundsson. Slitnaði hann aftan úr togaranum Skallagrími RE og rak á land í Grindavík 14.apríl 1926. Áhöfnin hafði áður lent í sjóhrakningum í vonsku veðri og var bjargað um borð í Skallagrím. Þar hittu þeir fyrir Eyrbekkinginn Sigurð skipstjóra Guðjónsson á Litlu Háeyri.
22.05.2010 23:51
Rimmugýgur í Reykholti
Rimmugýgur var stofnað árið 1997 og er félag áhugamanna um menningu og bardagalist víkinga.
22.05.2010 15:22
Í minningu Vesturbúðanna
Mánudagurinn 22 maí 1950 var mikill sorgardagur á Eyrarbakka, því þá fyrir nákvæmlega 60 árum var hafist handa við að rífa merkustu minjar íslandssögunnar.
Eitt sinn voru Vesturbúðirnar á Eyrarbakka mestu verslunarhús á Suður- og Vesturlandi og jafn vel þótt allt landið væri tekið til samanburðar. Til þeirra leituðu bændur og búalið með afurðir sínar alla leið austan úr Skaftafellssýslum og vestan af Breiðafjarðareyjum.
Það var því sannarlega mikil saga tengd við þennan stað eins og hér hefur oftlega verið minst á og því hörmulegt að þessi fornu hús skildu rifin vorið 1950. Þarna var ráðist á merkar fornminjar þvert ofan í vilja þorpsbúa, í trássi við lög um verndun fornminja og í algerri andstöðu við skoðanir landsmanna yfirleitt á því, hvernig við eigum að búa að fornminjum okkar og hefur það æ síðan átt að vera víti til varnaðar, en þrátt fyrir það urðu rústir gamalla sjóbúða, og þurrabúða eiðingaröflum að bráð eftir miðja síðustu öld. Niðurrif vesturbúðanna var algjört, svo meira að segja tröppur og hestasteinar voru fjarlægðir og að lokum beitt jarðítu á það sem eftir stóð.
Það var Egill Thorarensen kaupmaður í Sigtúnum og kaupfélagsstjóri KÁ sem framdi þetta mikla voðaverk á þessum sögulegu minjum íslendinga, með þöglu samþykki ráðamanna þess tíma í landinu. Eyrbekkingar börðust fyrir verndun húsanna, sem þóttu mikil staðarpríði, þó svo húsin væru rúinn öllu innanstokks, eftir að búðirnar komust í hendur Kaupfélags Árnesinga, en allt kom fyrir ekki. Þar fór forgörðum margra alda verslunarsaga á íslenskri grund og þjóðar gersemar.
Oft hafa vaknað hugmyndir um endurbyggingu Vesturbúðanna að hluta eða öllu leiti til minningar um þennan sögulega arf íslenskrar þjóðar, en þá jafnan birtast einhver ljón í veginum, sem ekki er unt fyrir áhugafólk að yfirstíga. Svo er víst að þjóðarátak þyrfti til svo að endurbyggja mætti þessi hús.
