Dagsmet slegið.

Hitamet í dag!
Kl 18 í kvöld var sett nýtt dagshitamet á veðurstöðinni á Eyrarbakka þegar hitinn fór í 20,2°C þá hafði dregið frá sólu og og vindur snúist úr SV til Noðanáttar.

Samkvæmt bestu heimildum Nýs Brims þá var eldra dagsmet 25 júní fyrir stöð 923 á Eyrarbakka sett árið 1963 en þá fór hitinn hæst í 16,8°C (18,8°C árið1925 en mælingar þá voru óáræðanlegar)

Enn vantar tæpar 3°C til að slá methita í júní frá árinu 1999 sem sett var þann 30. upp á 22,6°C (6.jún 1924 24,1°C en mæling óáræðanleg)

Óvarlega má marka af þessu hlýnun andrúmsloftsinns þó svo dagsmet hafa nú verið slegin tvisvar í júní á þessu ári eins og í maí. Líklega á árið 2002 flest júní dagsmetin eða samtals 5

Skrifað af oka

Tengill á færslu

Bæta við áliti

Sýna álit

11.06.2007 22:59

Hitamet í dag.

Í dag náði hitinn á Eyrarbakka hæðst í 18°C kl 17:00 og sló þar með út eldra dagsmeti fyrir 11. júní sem sett var árið 2003 sem var 17°C. Áður höfðu fallið hitamet í maí fyrir dagana 30. og 31. með 17° hita.

Mánaðarmet fyrir júní var sett þann 30 júní 1999 en þá fór hitinn hæðst í 22,6°C
Ekki skal útilokað að þetta met kunni að falla síðar í mánuðinum.

Horfur eru á bjartviðri fram yfir miðvikudag (óðinsdag) en ekki eru líkur á að hitin nái sömu hæðum og í dag hvað sem síðar kann að verða.

Skrifað af oka

Tengill á færslu

Bæta við áliti

Sýna álit

31.05.2007 17:12

Enn eitt met.

Enn eitt dagsmetið var slegið á Bakkanum í dag þegar hitinn fór upp í 17.7 °C kl.14 en í gær náði hitinn hámarki um kl.19 þegar veðurstöðin mældi 17.5°C. Eldra dagsmet fyrir hæsta hitastig þann 31.maí var 15,3°C árið 1990

Þessi heiti loftmassi á rætur að rekja til A-Evrópu, aðalega suður Svíþjóðar og Póllands

Local veðurspá fyrir sjómannadaginn á Eyrarbakka: (Með fyrirvara um að hún gæti hæglega farið í vaskinn)

Suð austanátt og 5 m/s skýjað og dálítil rigning fyrripart dags en þornar upp e.h.. Hiti 10-12°C

Skrifað af oka

Tengill á færslu

Bæta við áliti

Sýna álit

30.05.2007 21:23

Nýtt met.

Það fór eins og veðurfræðingar höfðu spáð fyrir "Heitur dagur í dag"!

Í dag var nefnilega hið allrabesta veður og komst hitinn hæðst í 17°C á Bakkanum um kl 16 sem er nýtt met yfir hæsta mælda hita fyrir daginn 30.maí hér á nafla alheimsinns.
Eldra metið fyrir þennan dag mánaðarinns á Eyrarbakka var sett árið 2002 en það var 16,5°C

Það vantar þó tæpar 3° á að slá við mánaðarmetinu fyrir maí sem sett var þann 5.maí 1988 en þá fór hitinn hæðst í 19,8°C