Brim á Bakkanum
brimið þvær hin skreypu sker


F U L L T T U N G L

atburður liðinn í

1 dag

ALMANAKIÐ

A P R Í L  M Á N I N N

          
 Fyrsta kvartil  1 Apríl 2020  
 Fullt tungl  7 Apríl 2020  
 Síðara kvartil  14 Apríl 2020
 Nýtt tungl
 Fyrsta kvartil
22
30
Apríl
Apríl
2020
2020
Vormáni 


  


Flokkur: Veðrið

22.10.2007 22:33

Rok

Það gekk á með stormi og úrhellis rigningu síðdegis og náðu sumar hviður 28 m/s um kl. 16 en þessi vindstyrkur var kallaður ROK í gamla daga. Úrkomumagnið sem helltist niður í dag mældist 21 mm á veðurathugunarstöðinni á Bakkanum og náði það ekki að fella dagsmetið frá 1983 sem var 23,3 mm.

Mesti vindur sem Veðurstofan mældi á láglendi kl.21 var 29 m/s á Skjaldþingsstöðum í Vopnafjarðarhreppi.

Annars finnst manni að búið sé að rigna mikið alveg frá því í lok ágúst eftir eitt þurrasta sumar í manna minnum og hlaut hann að hefna fyrir það.
Til gamans má geta þess að blautasti Oktobermánuður á Bakkanum var  árið 1959 en þá mældist mánaðarúrkoman 321 mm. Blautasta árið á Bakkanum var hinsvegar árið 1953 en þá var ársúrkoman 1943,5 mm.

14.10.2007 20:17

Stígvéladagar

Það hefur verið fremur blautt og vindasamt í Flóanum að undanförnu og töluvert brim úti fyrir. Úrkoma mældist 11 mm Eyrarbakka í dag sem er þó engin ósköp miðað við sl.föstudag (12/10), en þá heltust einir 26 mm ofan úr skýjunum í mæliglasið hjá veðurathugunarmanni okkar á Bakkanum og vantaði aðeins 4mm til að jafna dagsmetið frá 2004

það gæti látið nærri að það sem af er mánuðinum sé úrkoman yfir meðallagi,en það er þó ágiskun því meðaltalstölur fyrir Eyrarbakka eru ekki sérstaklega aðgengilegar.

11.10.2007 23:24

Margt býr í þokunni


Í morgun lá dularfull þokan dökk og dimm yfir Flóanum svo vart sá á milli húsa.Veðurspár höfðu gert ráð fyrir góðum degi með sól og blíðu hér sunnan heiða sem þó ekkert varð af því þokan þvöl læddist inn af hafi og þvældist upp í sveitir þögul og þung á brún eins og illur  fyrirboði um hverfuleika heimsinns.

Um síðir létti þokunni,en þá dró að bliku (einnig í pólitíkinni) með regni eins og það sé ekki komið nóg af þessum sudda! og nú er beðið enn eins stormsinns sem veðurstofan hefur verið að vara við í dag. Þetta fer nú að verða ansi leiðinlegt. 

01.10.2007 22:10

Hvasst og blautt-úrkomumet!

Það var víða hvassviðri í morgun og úrhellis rigning, einkum á vestanverðu landinu og Faxaflóa svæðinu. Hvassast var á Bakkanum kl. 5 í morgun þegar vindhviður náðu 21 m/s og sópuðu laufunum af trjánum sem eru nú flest að verða berstrýpuð.

Sólahringsúrkoma  dagsins var 42 mm sem er dagsmet fyrir úrkomu. Eldra dagsmetið var 33mm 1988
Þann 27 síðasta mánaðar var einig úrkomumet  þegar mældist 31 mm á stöð 923 en eldra met var frá 1993 þann 27 sept 30,9 mm

27.09.2007 21:58

Brimið í dag


Brim í súld og sudda.
Það gekk á með hvössum rokum og rigningarsúld í dag og mældist úrkoma 31 mm á Bakkanum (31mm úrkoma/24klst  mælist nýtt dagsmet á Bakkanum) en er þó ekkert miðað við 220 mm á Ölkelduhálsi í Henglinum eins og fram kemur á veðurbloggi Einars Sveinbjörnssonar 
Í uppsveitum var rigningin drjúg, t.d. 38mm á Hjarðarlandi í Biskupstungum. Stormur var á Stórhöfða að venju en einnig sló í storm á Sámstöðum á Rángárvöllum.Á Bakkanum fóru hviður mest í 19 m/s en annars var strekkingsvindur fram eftir degi,en síðdegis tók að rofa til. Þetta veður á rætur sínar að rekja til hitabeltisstormsins Jerry sem þaut hér framhjá og er líklega núna kominn á Norðurpólinn.

26.09.2007 21:26

Leiðindaveður.

Það sem menn kalla leiðindar veður hér um slóðir er þegar rigningin kemur flöt í andlitið í suðaustan strekkings vindi og þannig er veðrið núna,bara hund leiðinlegt. Töluvert hafrót og vaxandi brim er á Bakkanum í dag. Næstu daga er stórstreymt enda fullt tungl.Veðurspákonan í sjónvarpinu spáir áfram þessu hvassa blauta þúngbúna gráa slepjulega leiðindarveðri.

24.09.2007 12:02

Hvassviðrið


Það var ansi hvasst á landinu um helgina og hér sunnanlands fór meðalvindur upp í 34m/s á Stórhöfða um miðnætti aðfaranætur sunnudags með hviðum allt að 41m/s sem er 147,6 km/klst en það mundi nægja til að teljast styrkur 1.stigs fellibyls. En mesta hviðan var á bænum Steinum undir Eyjafjöllum þar sem vindur fór í 47 m/s á laugardagskvöldið. Á Bakkanum fóru hviður öðru hvoru upp í 20 m/s sem telst stormur en annars var allhvast eða strekkingsvindur.

Í dag eru tvö ár frá því að fellibylurinn Ríta gekk á land í Texas og varð 100 manns að bana. Fellibylurinn skildi eftir sig eiðileggingu upp á 5.8 billjón dollara í Texas og Louisana.Meðalvindhraði Rítu var um 192 km/klst sem svarar 53 m/s eða ríflega12 gömul vindstig.

22.09.2007 20:30

Beðið eftir storminum

Það var strekkingsvindur af NA á Bakkanum í dag og stormur á miðunum.

Úti fyrir ströndinni við Ölfusárósa liggur þessi fraktari fyrir akkerum og gæti verið að bíða af sér óveðrið suður af landinu.

Í Vestmannaeyjum hafa vinhviður farið upp í 38m/s þó veðrið hér sé skaplegra eða allt að 19 m/s í hviðum.

Eins og sést á myndinni þá er brimlaust á Bakkanum í dag.

21.09.2007 15:57

Blíðu veður á Bakka.



það var ekki svona gott veður  21.september árið 1865, en þá olli stórflóð miklu tjóni á fiskiskipum og sjógarðshleðslum á Bakkanum.

Undanfarið hefur verið rigningartíð Sunnanlands en þrátt fyrir það hefur lítið vatn safnast í Hópið framan við Steinskotsbæina. Hópið er reyndar gamalt sjávarlón sem lokaðist af  þegar sjórinn hlóð upp malarkambi fyrir framan það endur fyrir löngu. Síðan rann lítil á úr því til sjávar þegar hópið hafði nóg aðrensli ofan af mýrunum, en í dag er þarna aðeins smá pollur.

18.09.2007 08:44

Skolmórautt síki, gruggað upp af gröfu.


Nú í rigningartíðinni hafa hálf uppgrónir skurðir vart haft undan að flytja regnvatnið til sjávar og því ekki úr vegi að stinga niður skóflu. þetta síki sem hér er verið að dýpkva er rétt norðan við Bakkan á svokölluðu "Flóðasvæði" eins og það heitir á skipulagi.

Veðurstofan spáir norðanátt næstu dægrin svo þá byrtir til hér syðra en norðanmenn fá þá blessuðu rigninguna.

16.09.2007 16:45

Hvítnar í fjöll.


Það hafði hvítnað í fjöllin eftir norðan kalsaveðrið í gær og er Ingólfsfjall og Hengillinn komin með hvítan kúf. Frost -1°C var á Bakkanum undir morgun en á Kálfhóli sem er innar í landi náði frostið -4°C.
Nú er bjartviðri og norðanátt og má búast við frosti í nótt en á morgun er það rigningin samkvæmt þessari spá norðmanna.



I morgen kl 11 Regn 3,0 mm Svak vind Svak vind, 2,1 m/s fra søraust 1022 hPa

13.09.2007 21:15

Rjúkandi brimstrókar.



Það var með glæsilegasta móti brimið í dag þegar hvöss norðanáttin feykti brimlöðrinu á loft og myndaði fallega stróka,en það voru fáir aðrir en heimamenn sem nutu fegurðarinnar á Bakkanum í dag.

Vindrokurnar náðu mest upp í 25 m/s
.

13.09.2007 16:12

Þytur í laufi.

það hvín í laufum trjánna nú þegar norðan bálið ríður yfir. Trjárækt er orðin mikil víða um land og ekki síst hér sunnanlands. þessu fylgir sérstakur hvinur þegar vindurinn blæs og hljómar mismunandi eftir tegundum trjáa.

12.09.2007 22:21

Met úrkoma?

Úrkoman sem féll á síðustu 24 klst var 75 mm samkvæmt vef veðurstofunar og telst líklega sólahringsmet fyrir þennan dag mánaðarins. Það næstmesta sem rignt hefur á Bakkanum að því er ég kemst næst var 14. nóv.1961 þegar mældist 100,5 mm á sólarhring en mesta úrkoma var mæld 6.janúar 1947 107,5mm

Á Selfossi flæddi vatn upp úr niðurföllum í kjöllurum þegar ræsi höfðu ekki lengur undan og voru slökkvuliðsmenn við dælurnar. Markaskurðurinn milli hinna fornu hreppa Eyrarbakka og Sandvíkur var svo orðinn barmafullur af vatni undir kvöld.

Flettingar í dag: 178
Gestir í dag: 78
Flettingar í gær: 159
Gestir í gær: 73
Samtals flettingar: 2507618
Samtals gestir: 279739
Tölur uppfærðar: 8.4.2020 17:59:05


Sjólag og horfur

 

6-7 apríl 2020
 
 
 Ölduspá 6-7. 4. 2020



Veðrið á Bakkanum í dag

Tilkynningar

Brimið á Bakkanum er líka á Facebook 
@gamlirdagar
       

Brimið á Bakkanum

Farsími:

8621944

Staðsetning:

Eyrarbakki

Vefmyndavélar

http://www.vegagerdin.is/
 

Ráðhús-Árborgar við Austurveg

Sjávarföll Eyrarbakka - Árborg

                           Smellid á myndina fyrir frekari upplýsingar

Eldra efni

Tenglar


Icelandic surf

Veðurgögn Eyrarbakki

5 daga yfirlit